आठवड्याचे समालोचन – १२ ऑक्टोबर ते १६ ऑक्टोबर २०१५ – करू या जागर, जागर निकालांचा

आधीच्या आठवड्याचं समालोचन वाचण्यासाठी इथे क्लिक करा 

results

सोमवारी टी व्ही लावला. वर्तमानपत्र उघडले तर दोन्हीकडे BOB (बँक ऑफ बरोडा) तील घोटाळ्याची चर्चा होती.Rs ६९३२ कोटीचा घोटाळा झाला होता. ५९ चालू CURRENT खाती उघडली. आयात करण्यासाठी पैसा पाठवला. पण प्रत्यक्षांत डाळ, काजू तांदूळ आयात झाले नाहीत. तपास होईल. अनेक धागेदोरे मिळतील. हा घोटाळा काळ्या पैश्याच्या संदर्भातील आहे असे बोलले जाते परंतु शहानिशा झाल्यानंतर काय काय बाहेर पडेल कोणास ठाऊक !

आपल्यासाठी या बातमीमध्ये काय महत्वाचे ते पहायचे. जसा अर्जुनाला फक्त माशाचा डोळाच दिसत होता. तसेच आपणही one-track mind ठेवून विचार करायचा निदान आपल्या मनांत शेअरमार्केटचा विचार आहे तोपर्यंत तरी किंवा तुम्ही शेअरमार्केटमध्ये व्यवहार करीत आहांत तोपर्यंत तरी.

पहिला विचार आपल्याकडे BOBचे शेअर्स असल्यास विकून दोनतीन दिवसांनी स्वस्त झाल्यावर पुन्हा पोर्टफोलिओत ADD करावेत कां? विकत घेण्याचा विचार असेल तर या शेअर्सचा भाव किती पडेल? आपण कोणत्या भावाला विकत घ्यावा?

या घटनेचा परिणाम आणखी कोणकोणत्या शेअर्सच्या किंमतीवर होईल. रिझर्व बँकेने आधीच सावधानीची सुचना दिली होती तसेच इंटर्नल ऑडीटमध्ये या गोष्टीची कल्पना दिली होती पण पुरेसे लक्ष दिले नाही असे ऐकू येते.

या सर्व भानगडीत खोलांत जाण्यापेक्षा आपण सुरक्षिततेच्या दृष्टीकोणातून एकाच कंपनीत किंवा एकाच बँकेच्या शेअर्समध्ये प्रमाणाबाहेर जास्त गुंतवणूक करू नये. प्रत्येक बातमीचा शेअरमार्केटच्या दृष्टीकोनातून विचार करावा.

रेल्वेच्या ६०००० डब्यांत डस्टबीन बसविण्याची योजना आहे. याचा फायदा सुप्रीम इंडस्ट्रीज आणी नीलकमल प्लास्टिक या कंपन्यांना होईल. रिझर्व बँकेने सरकारी आणी राज्यसरकारी bondsमध्ये FII ची लिमिट वाढवली. त्यामुळे भारतांत पैशाचा ओघ वाढेल आणी इंडिअन रुपी मजबूत होईल. बिहारमध्ये विधानसभेसाठी मतदान सुरु झाले. ४९ जागांवर मतदान झाले, तरुण लोक उत्साहाने मतदानाला हजर दिसले.ज्यांना विकास हवा आहे. महिलांची संख्याही जास्त दिसली. महिलांसाठी नितीशकुमारनी बऱ्याच योजना आणल्या यावरून मतदानाचा ट्रेंड बदलण्याची शक्यता दिसते.

या आठवड्यांत ऑगस्ट महिन्यासाठी IIP चे आकडे चांगले आले. IIP मध्ये वाढ ४.२% वरून ६.४% झाली. महागाईच्या निर्देशांकापैकी CPI -३.६६ वरून -४.४१ आहे. WPI -४.९५ वरून -४.५५ झाला. ट्रेड डेटाही आला. सातत्याने निर्यात कमी होत आहे हा काळजीचा विषय आहे. ONGCला तेलभांडार मिळाले. सरकार नैसर्गिक GASच्या किमतीवरील सरकारी नियंत्रण काढून टाकण्याच्या विचारांत आहे. त्यामुळे या आठवड्यांत ONGC आणी RIL हे दोन्ही शेअर्स तेजीत होते.

स्पेक्ट्रम ट्रेडिंग नॉर्म्स जाहीर केले. स्पेक्ट्रम लीझिंगला परवानगी दिली नाही. याचा व्हिडीओकोंनला फायदा होईल. त्यांना इंडियातून एक्सिट व्हायचे आहे. २१०० MHZ, २३००MHZ २५०० MHZ यांत ट्रेडिंगसाठी परवानगी दिली.
कॅफे कॉफी डे चा IPO बुधवारी सुरु झाला. हा IPO महाग किंमतीला आणला आहे असा बोलबाला झाला. त्यामुळे या IPO ला थंडा प्रतिसाद मिळाला.

‘इंडिगो’ चा IPO दसऱ्यानंतर येणार आहे. त्यामुळे आपोआपच विमानकंपन्यांच्या शेअर्सकडे सगळ्यांचे लक्ष आहे. त्याचबरोबर ‘हायलोड FACTOR’ चा उल्लेख प्रेत्येक विमानकंपनी करत आहे. PASSENGER वाहतुकीमध्ये वाढ होत आहे. गेले वर्षभर क्रूडचे भाव ढासळत आहेत. त्यामुळे विमानासाठी लागणारे इंधनही स्वस्त झाले आहे. त्यामुळे विमानकंपन्यांच्या शेअरमध्ये तेजी होती.

अमेझॉन, SNAPDEAL,FLIPKART,या कंपन्यांनी दणक्यांत सेल सुरु केला आहे. या सेलला प्रतिसाद फार सुंदर आहे. त्यामुळे याचा फायदा ई-कॉमर्स कंपन्या PACKAGING कंपन्या, व लॉजीस्टिक कंपन्यांना होईल.

अडानी ग्रुपचा ऑस्ट्रेलियातील खाण आणी रेल्वेचा मोठा प्रकल्पाला ऑस्ट्रेलीयान सरकारने मंजुरी दिली. हा प्रकल्प पर्यावरणाशी संबंधित मंजुरीसाठी अडला होता. तसेच भारतीय रेल्वेने अदानी पॉवर या कंपनीकडून Rs३.६९ पर युनिट या दराने वीज विकत घेण्यासाठी करार केला. त्यामुळे अदानी एन्टरप्राईझेस आणी अदानी पॉवरचे शेअर्स वाढले.

आता निकालाचा जागर करू या. IT(इन्फोर्मेशन टेक्नोलॉजी) क्षेत्रातील कंपन्यांचे रिझल्ट्स आले.. इन्फोसिस, टीसीएस, मास्टेक, माइंडट्री, या कंपन्यांचे रिझल्ट्स लागले.रिझल्ट्स फारसे चांगले लागणार नाहीत याची कल्पना होतीच. USAची अर्थव्यवस्था सुधारत नाही याचा परिणाम या कंपन्यांच्या कामगिरीवर झाला. त्याचबरोबर या कंपन्यांना तंत्रज्ञान अद्ययावत करण्यासाठी बरीच भांडवली गुंतवणूक करावी लागेल. इन्फोसिस आणी टीसीएस या दोन्ही कंपन्यांचा ATTRITION रेट वाढला.इन्फोसिसने Rs १० प्रती शेअर तर टीसीएस ने Rs ५.५० प्रती शेअर अंतरिम लाभांश दिला.

किरकोळ गुंतवणूकदारांना सर्वात मोठा धक्का DCB(डेव्हलपमेंट कोआपरेटीव बँक) च्या शेअरने दिला. ४०% शेअर पडला. निकाल चांगला आला तरीही शेअर कां पडला ? हे कोडे साऱ्यांना उलगडले नाही. शेअरचा भाव Rs १३८ ते Rs १४० होता. आम्ही १५० नवीन शाखा उघडणार आहोत असे सांगून बँकेने आपली विस्तार योजना जाहीर केली. या विस्तारयोजनेचे परिणाम २०१८मध्ये दिसतील. तोपर्यंत भांडवली गुंतवणूक वाढल्यामुळे ROI कमी होईल.पेमेंट बँकांमुळे स्पर्धाही वाढेल आणी प्रॉफिटमार्जिन कमी होईल. मग एवढे दिवस पैसे अडकवून ठेवून काय करायचे असा विचार झाल्याने शेअर्स विक्री सुरु झाली.असे मला वाटले. शुक्रवारी शेअरचा भाव Rs 92 झाला. झी एन्टरटेनमेंट आणी एलआयसी हौसिंग फायनान्स या कंपन्यांचा रिझल्ट चांगला आला.

रिलायंस चा रिझल्ट खूपच सुंदर लागला.

  1. standalone नेट प्रॉफिट Rs ६५६१ कोटी
  2. GRM (GROSS REFINING MARGIN) US $ ८.४ वरून US $ १०.६० झाले
  3. EBITDA MARGIN १६% वरून १८ % पर्यंत वाढले

गेल्या १४ तिमाहीनंतर एवढा चांगला रिझल्ट आला. त्याची कारणे पुढील प्रमाणे दिली गेली.

  1. BETTER PRODUCT Mix
  2. कमीत कमी ENERGY COST
  3. strong volume growth
  4. HIGH UTILIZATION of ASSETS
  5. FAVORABLE OIL मार्केट

ही झालेली growth टिकाऊ आहे हे समजण्यासाठी पुढील दोन तिमाहीचे रिझल्ट्स चांगले यायला हवेत.

यावेळी असे आढळते आहे की मार्केट समजूतदार आणी शहाणे झाले आहे. प्रत्येक गोष्टीचा साकल्याने विचार करीत आहे. पूर्वी असे होत असे की एका कंपनीचा रिझल्ट खराब आला की त्या सेक्टरमधल्या सगळ्या कंपन्यांच्या शेअर्सचे भाव कमी व्हायला सुरुवात होई. यावेळी असे आढळत नाही. ज्याची शिक्षा त्यालाच द्यावी व ज्याचे बक्षीसही त्यालाच मिळाले पाहिजे असे बाजाराने ठरवलेले आढळते. सब घोडे बारा टक्के असे घडत नाही. त्यामुळे एलआयसी व झी एन्टरटेनमेंट यांचे भाव वाढले आणी टीसीएस व इन्फोसिसला मार्केटने शिक्षा केली..

अशाच प्रकारे मार्केट सुधारले तशीच आपणही आपली प्रगती साध्य करून चांगली कंपनी आणी वाईट कंपनी यातील फरक समजावून घ्यायला हवा. आता आपली भेट पुढील आठवड्यांत.

 

This entry was posted in Weekly market review and tagged , , , , , , on by .

About bpphatak

मी भाग्यश्री फाटक. तशी मी तुमच्यापेक्षा वेगळी अशी कुणी नाही. किंबहुना तुमच्यातलीच एक आहे. आता तुमच्यातली म्हणजे कदाचित १९९० किवा २००० च्या काळातली मी नसेन. पण जर वाचकांमध्ये जर कोणी गृहिणी असतील ज्यांची लग्न १९७५-१९८५ मध्ये झाली असतील आणि ज्यांनी गृहिणी ची भूमिका मुलं मोठी होई पर्यंत चोख पणे बजावली असेल, तर तुमच्यात आणि माझ्यात फारसा फरक नसेल. २००२ पर्यंत मी फकत एक गृहिणी होते आणि आज २०१२ साली मी stock market मधली एक यशस्वी गुंतवणूकदार आहे. आज मागे वळून बघताना लक्षात येतंय कि मी आरपार बदलून गेलीये. आयुष्याला एक नवीन दिशा मिळालीये. यश, संपत्ती, प्रतिष्ठा, आदर , मानसम्मान सगळं काही मिळालंय. आधी लोकां कडून stock market बद्दल सल्ले घेणारी मी आज विश्वासानी लोकांना ‘investment advice ‘ देत आहे. या blog च्या माध्यमातून माझ्या आयुष्याचा २००२ ते २०१२ हा प्रेरणादायी काळ तुमच्या पुढे मांडावा असं मी ठरवलंय. उद्देश सोपा आहे, माझा गृहिणी ते stock market investor हा प्रवास कदाचीत तुम्हालाहि share market च्या वाटे वर मदत करू शकेल , आणि share market मधली मजा वाचून तुमची मार्केटबद्दलची भीती कमी होईल.

One thought on “आठवड्याचे समालोचन – १२ ऑक्टोबर ते १६ ऑक्टोबर २०१५ – करू या जागर, जागर निकालांचा

  1. पिंगबॅक आठवड्याचे समालोचन – १९ ऑक्टोबर ते २३ ऑक्टोबर – निकालांचे प्रतिबिंब शेअरमार्केटच्या आरश्यां

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदला )

Twitter picture

You are commenting using your Twitter account. Log Out / बदला )

Facebook photo

You are commenting using your Facebook account. Log Out / बदला )

Google+ photo

You are commenting using your Google+ account. Log Out / बदला )

Connecting to %s