Tag Archives: market this week in marathi

आठवड्याचे-समालोचन – नव्या विचारांची घटस्थापना, जुन्या विचारांचे सीमोल्लंघन – 18 सप्टेंबर २०१७ ते २२ सप्टेंबर २०१७

आधीच्या आठवड्याचं समालोचन वाचण्यासाठी इथे क्लिक करा

गेल्या आठवड्याच्या शेवटी म्हणजेच रविवारी भारत विरुद्ध ऑस्टेलिया हा एक दिवशीय सामना भारताने जिंकला. PV सिंधूने कोरिया ओपन badminton स्पर्धा जिंकली. त्यामुळे क्रीडा रसिकांना मेजवानी मिळाली त्यामुळे week-end आनंदात गेला. नव्या आठवड्याची सुरुवात उत्साहांत झाली. या आठवड्यात डिक्सन टेक्नोलॉजीचे झालेले दणदणीत लिस्टिंग, नव्या IPO ची गर्दी आणी रेकॉर्ड स्तरावर सोमवारी निफ्टीनी केलेली सुरुवात आणी शेवट ही या आठवड्याची वैशिष्ट्ये म्हणता येतील.या आठवड्याचा शेवट मात्र गोड झाला नाही. US $ मध्ये आलेली मजबुती पर्यायाने रुपयाचे कमी झालेले विनिमय मूल्य CAD मध्ये झालेली वाढ या कारणांमुळे मार्केट ढासळले.

आंतरराष्ट्रीय घडामोडी

  • USA आणी उत्तर कोरियामध्ये तणातणी चालूच आहे. उत्तर कोरिया प्रशांत महासागरामध्ये परमाणु परीक्षण करणार आहे. USA अध्यक्षांनी असे जाहीर केले की USA किंवा त्यांच्या मित्र राष्ट्रांना जर बचाव करण्याची वेळ आली तर आम्ही उत्तर कोरियाचा विध्वंस करू. USA ने ज्या USA मधील कंपन्या उत्तर कोरियाशी व्यवहार करतील त्यांच्यावर निर्बंध घातले आहेत.
  • फेड या USA च्या सेन्ट्रल बँकेने दरामध्ये कोणतेही बदल केलेले नाहीत. ऑक्टोबर २०१७ पासून फेड आपली BALANCE SHEET कमी करायला सुरुवात करेल. म्हणजे मार्केटमध्ये बॉंड खरेदी करणे थांबवेल. यावर्षी २०१७ मध्ये १ दर वाढ तर २०१८ मध्ये तीनदा दर वाढ केली जाईल. असे घोषित केले.
  • S & P या रेटिंग एजन्सीने चीनच्या वाढत्या कर्जामुळे चीनचे सॉवरीन क्रेडीट रेटिंग AA- वरून एक स्टेप कमी करून A + असे केले. १९९९ पासून हे चीन अर्थव्यस्थेचे पहिलेच डाउन ग्रेडिंग आहे.

सरकारी अन्नौंसमेंट

  • सरकार ३ ते ४ PSU बांधकाम कंपन्यांचे NBCC मध्ये मर्जर करेल.
  • एनर्जी एफिसियंट सर्विसेस या कंपनीने स्मार्ट ग्रीड प्रोजेक्टच्या अंतर्गत ५० लाख स्मार्ट मीटर्ससाठी उत्पादन करण्याचे CONTRACT मिळवण्यात 50 टॉप भारतीय आणी परदेशी कंपन्यांनी रस दाखवला आहे. या स्मार्ट मीटरमुळे टेलिकॉम कंपन्यांचा फायदा होईल.
  • CDSCO ( THE CENTRAL DRUGS STANDARD CONTROL ORGANISATION) ही ड्रग रेग्युलेटीग ऑथोरिटी लवकरच प्रिस्क्रिप्शनशिवाय उपलब्ध असलेल्या औषधांची यादी ‘ओव्हर द काऊनटर ड्रग्स’ या नावाने प्रसिद्ध करील.
  • ‘हर घर बिजली’ या योजनेअंतर्गत ४ कोटी घरात वीज देण्याची योजना आहे.
  • मुंबई ट्रान्सहार्बर लिंकसाठी निविदा मागवल्या होत्या. आलेल्या १७ निविदांपैकी १० निविदांची निवड केली.
  • सरकारने रेडीयल, बस टायर, चीनमधून आयात होणाऱ्या टायर्सवर ANTI DUMPING ड्युटी लावली. ‘नैसर्गिक रबरा’च्या किंमती कमी होत आहेत. याचा फायदा टायर उत्पादन करणाऱ्या कंपन्यांना विशेषतः JK टायर्स (रिप्लेसमेंट टायर मार्केटमध्ये ३४% मार्केटशेअर) या कंपनीला होईल.
  • ट्रान्सफॉर्मर, मीटर्स, तारा यांच्या उत्पादनासाठी सबसिडी देणार. महाराष्ट्रात राज्य सरकार ४ शहरात फ्रान्चाईजी देणार.
  • केंद्र सरकारने कोल इंडिया आणी रेल्वेच्या कर्मचाऱ्यांना ७० दिवसाचा पगार बोनस म्हणून जाहीर केला.
  • सरकार गोल्ड मॉनेटायझेशन योजनेत काही बदल करणार आहे. सुरुवातीला फॉर्म भरतानाच तुम्हाला सांगावे लागेल की परतावा सोन्याच्या स्वरूपात हवा ही रोख पेशात हवा. ड्यू डेटच्या आधी तीन महिने पुन्हा आपल्याला विचारले जाईल. जर सोन्याच्या स्वरूपात परतावा हवा असेल ते ४५ दिवस आधी कळवावे लागेल.

RBI SEBI आणी इतर प्रशासनिक संस्था

सेबीने REIT(रिअल इन्व्हेस्टमेंट ट्रस्ट) आणी InvIT (इन्फ्रास्ट्रक्चर इन्व्हेस्टमेंट ट्रस्ट) यांना कर्ज रोख्यांच्या  द्वारे पैसा उभा करण्यास परवानगी दिली आहे. आता पर्यंत त्यांना फक्त बँकांकडून कर्ज घेण्याची परवानगी होती. सेबीने REITना संबंधीत होल्डिंग कंपनीला किंवा ‘स्पेशल पर्पज व्हेईकल’ला कर्ज देण्यास परवानगी दिली.

TRAIने IUC( INTERCONNECT USAGE CHARGE) मध्ये ५७% कपात केली IUC Rs ०.१४ प्रती मिनिट वरून Rs ०.०६ प्रती मिनिट एवढा कमी केला. आणी सांगितले की २०२०पर्यंत हा IUC हळू हळू कमी करत जाऊन १ जानेवारी २०२० पासून रद्द केला जाईल. TRAI च्या या निर्णायाचा रिलायंस जीओ, RCOM आणी एअरसेल यांना फायदा होईल तर भारती एअरटेल, वोडाफोन, आणी आयडीया सेलुलर याना नुकसान होईल. TRAIच्या म्हणण्याप्रमाणे यामुळे ग्राहकाच्या मोबाईल बिलात कपात झाल्यामुळे ग्राहकाला फायदा होईल. बहुतेक टेलिकॉम कंपन्या TRAI च्या या निर्णयाला कोर्टात आव्हान देण्याच्या मनःस्थितीत आहेत.

अर्थव्यवस्थेच्या गोष्टी

भारताची निर्यात ऑगस्ट २०१७ महिन्यासाठी १०.३% ने वाढून US$ २३.८ बिलियन झाली, भारताची आयात २१% वाढून US$ ३५.४६ बिलियन झाली. त्यामुळे भारताची ट्रेड डेफिसिट US$.११.६ बिलियन झाली.

भारताचे परदेशी विनिमय रिझर्व ८ सप्टेंबर रोजी US$ ४००.७३ बिलियन होते. यात प्रामुख्याने वाटा FDI (US $ ७.२ बिलियन), FPI( FOREIGN PORTFOLIO INVESTORS)US$ १२.५ बिलियन)यांचा होता. हा रिझर्व वाढल्यामुळे जागतिक अर्थकारणात जे फेर बदल होतात त्यांना भारतिय अर्थव्यवस्था अधिक चांगल्या रीतीने सहन करू शकेल. जून तिमाही मध्ये CAD (CURRENT ACCOUNT DIFICIT) GDP च्या २.४% झाली.

OECD (ORGANISATION FOR ECONOMIC COOPERATION DEVELOPEMENT) ने भारताच्या सन २०१८ मधील प्रगतीचे अनुमान ७.३% वरून ६.७% एवढे कमी केले आहे.

खाजगी कंपन्यांच्या घडामोडी

  • टाटा सन्स, टाटा ग्रूपची होल्डिंग कंपनी ही आता पब्लिक लिमिटेड कंपनी आहे. ह्या कंपनीचे रुपांतर प्रायवेट लिमिटेड कंपनीमध्ये करण्याची टाटा ग्रुपची योजना आहे. त्यामुळे बहुसंख्य महत्वाचे निर्णय हे कंपनीचे बोर्ड ऑफ डायरेक्टर्स घेऊ शकेल. यामुळे वारंवार शेअरहोल्डर्सच्या मंजुरीची जरुरी राहणार नाही. टाटा सन्सच्या शेअरहोल्डर्सनी कंपनीचे प्रायव्हेट कंपनीमध्ये रुपांतर करण्यास मंजुरी दिली. त्याबरोबरच कॉर्पोरेट गव्हरनन्स सुधारण्यासाठी बदल केले. आता कोणत्याही शेअरहोल्डर्सना बोर्ड ऑफ डायरेक्टर्सची परवानगी घेतल्याशिवाय आपला स्टेक विकता येणार नाही. टाटा सन्सच्या या कॉर्पोरेट एक्शनविरुद्ध NCLATने NCLT ला सायरस मिस्त्री यांचे अपील दाखल करून घेवून तीन महिन्याच्या आत यावर सुनावणी करायला सांगितली आहे.
  • गुगलने ७ भाषांमध्ये पेमेंट APP ‘तेज’ जारी केले. यासाठी ICICI, HDFC, स्टेट बँक ऑफ इंडिया या बँकांबरोबर करार केला.
  • सिएटने अशोक LEYLAND साठी ‘दोस्त प्लस’ या नावाने नवीन टायर बाजारात आणले.
  • TVS मोटर्स इलेक्ट्रिक बाईकचे उत्पादन करणार आहे.
  • USA ने USA मध्ये आयात होणाऱ्या ‘झिंगे’ या माशांच्या प्रकारावरील ANTI DUMPING द्युटी कमी केली. याचा फायदा अवंती फीड्स, आणी अपेक्स फ्रोझन फूड्स या कंपन्यांना होईल
  • टाटा मोटर्सने आपली कंपनी नफ्यात आणण्याचा निश्चय केला आहे. त्यांनी कॉस्ट कमी करण्याची मोहीम सुरु केली आहे. या मोहीमेनुसार ४५० लोकांनी ऐच्छिक निवृत्ती घ्यायचे ठरवले आहे. टाटा सन्स हे (टाटा ग्रुपची होल्डिंग कंपनी) टाटा मोटर्समधील १.७ % स्टेक Rs ४२३ प्रती शेअर या भावाने Rs २००० कोटींना खरेदी करणार आहेत
  • कोल इंडियाची सबसिडीअरी महानदी कोलफिल्ड्स या कंपनीला नियमापेक्षा जास्त कोळश्याचे उत्पादन केल्यामुळे ओडिशा राज्य सरकार Rs २०००० कोटी दंड करण्याची शक्यता आहे.
  • बायोकॉनच्या विशाखापट्टणम युनिटची USFDA ने तपासणी केली. या तपासणीमध्ये कोणत्याही त्रुटी दाखवल्या नाहीत.
  • अंदमान प्रोजेक्टसाठी पेट्रोनेट एलएनजी ने NTPC बरोबर करार केला.
  • एक्साईड ही इलेक्ट्रिक कारसाठी BATTERY बनवण्याचा कारखाना १ नोव्हेंबर २०१७ पासून सुरु करणार आहे. तसेच या कंपनीच्या १००% सबसिडीअरीचा इन्शुरन्स बिझिनेस आहे या सबसिडीरीचा IPO येण्याची शक्यता आहे.
  • AB FASHION या कंपनीने SIMON CARTER या कंपनीबरोबर करार केला.
  • DR रेड्डीज च्या श्रीकाकुलम आणी हैदराबाद प्लांटला USFDA ने कलीन चीट दिली.
  • ऑरचीड फार्माच्या केरळमधील अलाथूर येथील API युनिटला USFDA कडून क्लीन चीट मिळाली.
  • वेदान्ता या कंपनीच्या ३ खाणी परत सुरु करायला ओडिशा सरकारने परवानगी दिली
  • IFCI क्लिअरिंग कॉर्पोरेशन मधील आपला संपूर्ण स्टेक विकणार आहे.
  • ONGCला बॉम्बे हाय मध्ये नवीन ब्लॉकमध्ये २ कोटी टन ऑईल आणी gas चा साठा मिळाला. हा नवीन तेलसाठा WO २४-३ म्हणून ओळखला जाईल. यातून लवकरच कमरशीयल उत्पादन सुरु होईल.
  • डीव्हीज LABSने USFDAने दाखवलेल्या आपल्या विशाखापट्टणम येथील उत्पादन युनिटमधील सर्व त्रुटी दूर केल्या. पुन्हा केलेल्या तपासणीमध्ये ६ किरकोळ त्रुटी दाखवण्यात आल्या आहेत. पण USFDA ने लावलेला IMPORT ALERT अजून रद्द केलेला नाही.
  • GIPCL या कंपनीला गुजरात सरकारकडून ७५ MV सोलर युनिटची ऑर्डर मिळाली.
  • कर्नाटक बँकेला २०२४ मध्ये 100 वर्षे पूर्ण होतील. यावेळी बँकेच्या कारभारात कालानुरूप बदल करण्यासाठी शिफारस करण्यासाठी बँकेने बोर्ड ऑफ डायरेक्टर्सची बैठक २४ सप्टेंबरला बोलावली आहे.
  • ITI ला ASCON प्रोजेक्टसाठी Rs ७००० कोटींची ऑर्डर संरक्षण मंत्रालयाकडून मिळाली.

कॉर्पोरेट एक्शन

  • १९ सप्टेंबर ते ३ ऑक्टोबर या काळात शोभाच्या ‘BUY BACK’ साठी फॉर्म भरायचे आहेत.
  • FOSUN ही चीनमधील कंपनी हैदराबाद येथील GLAND फार्मा या कंपनीतील ७४% स्टेक US $ १.१ बिलियनला विकत घेणार आहे
  • टाटा स्टीलने आपला युरोपिअन बिझिनेस THYSSENKRUPP या जर्मन कंपनीबरोबर मर्ज केला.या दोघांच्या युरोपिअन बिझिनेससाठी एक नवीन कंपनी THYSSENHRUPP टाटा स्टील या नावाने स्थापन केली जाईल. या कंपनीचा EURO १५.९६ बिलियनचा बिझिनेस असेल आणी या मर्जरमुळे EURO ४०० ते ६०० मिलियन कॉस्ट कटिंग होईल. यामुळे टाटा स्टीलच्या युरोप बिझिनेस मध्ये होणारा लॉस कमी होईल.
  • ऑईल क्षेत्रातील सर्व कंपन्या मिळून अबुधाबी national ऑईल कंपनीमध्ये २०% स्टेक विकत घेणार आहेत. त्यात ऑईल इंडिया चा हिस्सा ५% ते ६% असेल.

या आठवड्यातील IPO

  • ICICI लोम्बार्ड या जनरल इन्शुरन्स क्षेत्रातील कंपनीचा इशू एकूण २.९८ वेळा भरला. रिटेल गुंतवणूकदारासाठी असलेला कोटा १.२ वेळेला ओव्हरसबस्क्राईब झाला.
  • या आठवड्यात SBI लाईफचा IPO २० सप्टेंबरला तर ‘PRATAAP SNACKS’या कंपनीचा IPO २२ सप्टेंबरला ओपन होईल.
  • सुनील हायटेक या कंपनीची सबसिडीअरी ‘SEAM इंडस्ट्री’ चा IPO येणार आहे.
  • प्रिन्स पाईप्स अंड फिटिंग्ज ही PVC पाईप उत्पादनात तिसरा नंबर असलेली कंपनी आपला Rs ८०० कोटींचा IPO आणत आहे. ह्या कंपनीची ५ उत्पादन युनिट असून एकूण उत्पादन क्षमता १,५०,००० टन आहे. कंपनीची विक्री २०१६ मध्ये Rs १००९ कोटी होती.

कॉर्पोरेट एक्शन

  • नोवहारटीसने शेअर ‘BUY BACK’ वर विचार करण्यासाठी बोर्ड ऑफ डायरेक्टर्ससजी बैठक बोलावली आहे.
  • येस बँकेने आपल्या एका शेअरचे ५ शेअरमध्ये स्प्लीट केले.
  • महिंद्रा आणी महिंद्र ही कंपनी तुर्कस्थानमधील TRACTOR उत्पादन करणारी ERKUNT TRAKTOR SANAYALY ही कंपनी तिच्या एका असोसीएट कंपनीसह US $ ११७ मिलियन (Rs ७३५ कोटींना) विकत घेणार आहे.

या आठवड्यातील लिस्टिंग

  • २२ सप्टेंबर २०१७ ला रिलायंस होमचे Rs १०७.२० वर लिस्टिंग झाले.
  • डिक्सन टेक्नॉलॉजी या कंपनीच्या शेअर्सचे Rs २७२५ ( इशू प्राईस Rs १७६६) वर लिस्टिंग झाले. त्यामुळे या IPO त शेअर लागलेल्या अर्जदारांना खूपच चांगला लिस्टिंग गेन झाला.
  • भारत रोड नेटवर्क या कंपनीच्या शेअरचे लिस्टिंग Rs २०५ म्हणजेच इशू प्राईसवरच झाले त्यामुळे गुंतवणूकदारांना लिस्टिंग गेन झाला नाही.
  • COM या कंपनीचे Rs ९८५ वर लिस्टिंग झाले. नंतर ह्या शेअरची प्राईस पडली लिस्टिंग गेन झाला नाही.
  • डिशमन कार्बोजेन एमिक्स या कंपनीचे लिस्टिंग दिनांक २१ सप्टेंबरला झाले. १० दिवस हा शेअर T TO T मध्ये राहील. म्हणजे यात डेट्रेड होऊ शकणार नाही.
  • ओमकार स्पेशियालिटीज च्या शेअरहोल्डर्सना लासा जनरीक्सचा एक शेअर मिळाला. ही कंपनी प्राण्यांसाठी औषधे बनवते. या कंपनीच्या शेअरचे Rs १३७ वर लिस्टिंग झाले.

थोडासा मुलभूत अभ्यास

अलिकडील काळात आयुर्विमा आणी जनरल इन्शुरन्स क्षेत्रातील कंपन्यांचे इशू येत आहेत. आपण दोन विमा क्षेत्रातील  कंपन्यांची तुलना कशी करावी ते बघू.

  • प्रथम NEW बिझिनेस प्रीमियम

कंपनीने किती नवीन पोलिसी उतरवल्या आणी त्यावर कंपनीला किती प्रीमियम मिळाला या वरून कंपनीची प्रगती किती होत आहे. कंपनी काही नवीन पॉलीसीज डिझाईन करते आहे की जुनेच प्लान पुढे रेटते आहे हे यावरून कळते.

  • PERSISTENCY रेशियो

हा रेशियो १ वर्षानंतर आणी ५ वर्षानंतर काढला जातो. एकदा विमा काढल्यावर जर विमाधारक कंपनीच्या सेवेवर समाधानी असेल तर तो आपल्या पॉलिसीचे हफ्ते तर पूर्णपणे भरतोच पण इतरांनाही या कंपनीच्या पॉलिसीज घ्यायला सांगतो. यालाच हाय PERSISTENCY रेशियो म्हणतात. याचाच अर्थे नवीन आलेल्या किती पॉलिसीज एक वर्षाअखेर आणी पांच वर्षाअखेर कंपनी आपल्याकडेच राखू शकली.

कंपनीच्या बिझिनेसनाध्ये युलिप आणी नॉनयुलिपचे किती प्रमाण आहे हे समजून घ्यावे. कारण युलिप पॉलिसीमध्ये कंपनीला जास्त फायदा होतो.

  • मिससेलिंग रेशियो

कंपनी ग्राहकाच्या गरजा लक्षात घेवून तसेच त्याला फायदेशीर असा विमा उतरवते कां ? जर ग्राहकाला असे आढळून आले की कंपनीने त्याला त्याच्या गरजेपेक्षा वेगळी पॉलिसी दिली आहे तर तो ती पॉलिसी बंद करतो. त्यामुळे या रेशियोचा PERSISTENCY रेशियोशी संबंध जोडता येतो.

  • ऑपरेटीव रेशियो

हा रेशियो कंपनी किती प्राफीट मार्जिनवर काम करते ते सांगतो.

  • AUM म्हणजे ASSET UNDER MANAGEMENT म्हणजेच आता चालू असलेल्या सर्व प्रकारच्या पॉलिसीजची बेरीज.
  • प्राईस टू एम्बेडेड VALUE यामध्ये एम्बेडेड value = भावी नफ्याचे वर्तमान मूल्य + adjusted नेट asset value

ह्या सर्व रेशियोचा अभ्यास करून विमा क्षेत्रातील कोणता शेअर चांगला आहे ते ठरवता येते

मार्केटने काय शिकवले

मार्केटचे निरीक्षण केल्यास बऱ्याच गोष्टींचे अंदाज येऊ शकतात. या आठवड्यात IPO चांगले आले. पण फारसे भरले नाहीत. कां बरं असं झालं असेल ? असे प्रश्न आपल्याला पडले पाहिजेत आणी त्याची उत्तरे शोधण्याचा आपण प्रयत्न केला पाहिजे. ICICI लोम्बार्ड आणी SBI लाईफ हे दोन्ही इश्यू महाग किमतीला आले त्यामुळे त्यामध्ये फारसे लिस्टिंग गेन्स होणार नाहीत असे गृहीत धरून HNI ने आपला हात आखडता घेतला. यामागे लिस्टिंगनन्तर शेअर पडेल तेव्हा कमी भावात खरेदी करू हा व्यावहारिक विचार आहेच. तर MATRIMONI.COM ने दिलेला Rs ९८ चा डिस्काउंट देण्याची युक्ती त्यांच्याच शेअरसाठी संकटाची ठरली. पूर्वीच्या दोनतीन वर्षात तोटा आणी २०१७ मध्ये कंपनी नफ्यात कशी! काही गडबड तर नसेल ना! अशी शंका आल्यामुळे लिस्टिंग खराब झाले. ग्रे मार्केटमध्येसुद्धा ICICI लोम्बार्ड आणी SBI लाईफ याना Rs १० ते Rs १५ एवढा प्रीमियम आहे तर CAPACITEला भरपूर प्रीमियम मिळेल असा अंदाज व्यक्त केला जात आहे. पण यावेळी फॉर्म विकत घेतले जात नाहीत असे दिसते

सध्या नवरात्र चालू आहे. नवरात्राच्या प्रत्येक दिवशीचा रंग, प्रत्येक दिवशीचे देवीचे स्वरूप वेगळे असते. पण आपण मार्केट मध्ये झालेल्या बदलाप्रमाणे  आपल्या मार्केटमधील व्यवहारात बदल करतो का ? गुंतवणुकीच्या प्रकारात झालेले बदल लक्षात घेतो का ? बदलत्या आर्थिक सामाजिक आणी डिजिटल परिस्थितीमुळे काही कंपन्यांचा निभाव लागत नाही.(ABOF कंपनीने अमेझोन आणी फ्लीपकार्ट या कंपन्याच्या स्पर्धेला तोंड देऊ शकत नसल्यामुळे आपले E पोर्टल ३१ डिसेंबर २०१७ पासून बंद केले आहे)  तर काही कंपन्यांचे फायद्याचे प्रमाण वाढत जाते. आपल्याला सगळीकडेच हा अनुभव येतो. चौथीपर्यंत हुशार असलेली मुले पांचवी ते सातवीत टिकत नाहीत. किंवा अभ्यासात उत्तम असणारे व्यवहारात पाहिजे तेवढे चातुर्य दाखवू शकत नाहीत. त्यामुळे आपल्या पोर्टफोलीयोत असलेल्या प्रत्येक शेअरचा मागोवा घेत राहावे. आपल्या पोर्टफोलियोचे सतत निरीक्षण करत राहावे त्यात सतत बदल करत राहावे. ‘माझेच खरे’असे म्हणू नये किंवा दुसऱ्यांवर अंधविश्वास ठेवू नये. सर्वांचे विचार ऐकून त्यांचे योग्य मूल्यमापन करून योग्य वाटल्यास वेळोवेळी त्याप्रमाणे बदल करावेत.म्हणजेच जुन्या किंवा कालानुरूप नसलेल्या विचारांचे सीमोल्लंघन करून नव्या विचारांचे घट बसवावेत , ही शिस्त पाळल्यास सोन्यासारखेच चोख  असे मार्केटचे व्यवहार करता येतील आणी दसऱ्याला प्रतीकात्मक सोन्याबरोबर खरे सोने आनंदाने लुटता येईल.

BSE निर्देशांक सेन्सेक्स ३१९१४ तर NSE चा निर्देशांक निफ्टी ९९६२ तर बँक निफ्टी २४३६८ वर बंद झाले.

 

 

आठवड्याचे-समालोचन – तू चाल पुढं तुला रे गड्या भीती कशाची – ११ सप्टेंबर २०१७ ते १५ सप्टेंबर २०१७

आधीच्या आठवड्याचं समालोचन वाचण्यासाठी इथे क्लिक करा

तू चाल पुढं तुला रे गड्या भीती कशाची – ११ सप्टेंबर २०१७ ते १५ सप्टेंबर २०१७

उत्तर कोरियाच्या वारंवार होणार्या अणु चाचण्यामुळे युनायटेड  नेशन्सच्या सिक्युरिटी कौन्सिलने  आपादकालीन बैठक बोलावली होती. पण या वेळच्या बैठकीत नरमाईचे धोरण स्वीकारले गेले.त्यामुळे युद्धाचे ढग दूर होताहेत असे वाटले आणी जगातील सर्व शेअर्समार्केटनी तेजी दाखवून स्वागत केले बरीच वाट पाहिल्यानंतर या आठवड्यात बँक निफ्टी २५००० च्या वर गेला, आणी निफ्टीने ही पुन्हा १००००चे दर्शन दिले. तोच जणू याला प्रत्युत्तर म्हणून उत्तर कोरियाने शुक्रवारी पुन्हा अणुचाचणी केली. त्यामुळेच काही कायम स्वरूपाची उपाययोजना करण्यासाठी युनायटेड नेशन्सच्या सिक्युरिटी कौन्सिलने शुक्रवारी संध्याकाळी आपादकालीन तातडीची बैठक बोलावली आहे. त्यामुळे शुक्रवारी मार्केट थोडेसे पडले पण लगेच सावरले. घडणाऱ्या सर्व गोष्टींचा मार्केटवर फारसा परिणाम होताना दिसत नाही. मार्केटला कसलीही भीती काळजी जाणवत नाही. मार्केट आपल्याच थाटात दिमाखात पुढे पुढे चालले आहे असे वाटते.

मंगळवारी जपानचे पंतप्रधान मुंबई अहमदाबाद बुलेट ट्रेनच्या उद्घाटनासाठी भारतात आले होते. जपान भारतात करत असलेली ही सर्वात मोठी गुंतवणूक ठरेल. त्यामुळे या महत्वाकांक्षी प्रोजेक्ट मध्ये ज्या कंपन्यांना काम मिळण्याची शक्यता आहे त्यांच्या शेअर्सच्या किंमती वाढल्या. उदा रोलिंग STOCK साठी भेल, TRACK आणी बोगदे बनवण्यासाठी लार्सेन & टुब्रो HCC, NCC , लाईट्ससाठी बजाज इलेक्ट्रिकल, HAVELLS, CROMPTON, ऑटोमेशनसाठी MIC इलेक्ट्रोनिक्स,BARTRONICS, तिकीटांसाठी HCL इन्फो आणी टी सी एस, सिग्नल व्यवस्थेसाठी GE पॉवर, सिमेन्स, ABB, CROMPTON. WATER ट्रीटमेटसाठी THERMAX, VHAA TECH VABAG जपान सरकार बरोबर उर्जा संरक्षण आणी परिवहन या क्षेत्रात करार झाले. जपान भारतात ४.७ अब्ज US $ ची गुंतवणूक करेल. जपानने भारतात बिझिनेस सपोर्ट सेन्टर्स, रेस्टारंट उघडण्याचे आवाहन केले.

आंतरराष्ट्रीय घडामोडी

  • USA H1B व्हिसावर कोणतेही निर्बंध घालणार नाही, पूर्वीपेक्षा जास्त भारतीयांना व्हिसा दिले याचा IT सेक्टरवर अनुकूल परिणाम होईल.
  • INDIVION PLC या कंपनीने DR रेड्डीज, MYLAN, TEWA या कंपन्यांविरुद्ध ‘SUBOXONE’च्या पेटंट विषयी केस दाखल केली

सरकारी अन्नौंसमेंट

  • टेबलवेअर आणी किचनवेअरवरील GST १८% वरून १२% केला. याचा फायदा ला ओपाला आणी बोरोसील ग्लास या कंपन्यांना होईल
  • नोझल आणी स्प्रिंकलर्स अशा शेती उत्पादनावर GST १८% वरून १२% केला. याचा फायदा EPC आणी जैन इरीगेशन यांना होईल. इलेक्ट्रोनिक्स वस्तूंवर GST कमी केला. याचा फायदा MIC, MIRK, ION, HCLइन्फो यांना होईल.
  • सरकारने मिड सेगमेंट कार्सवर २%, मोठ्या कार्सवर ५% तर SUV वर ७% सेस वाढवला.
  • चीनमध्ये बनलेल्या आणी चीन मधून आयात केलेल्या FLAT स्टीलवर सरकारने CVD (काऊनटर व्हेलिंग ड्युटी) लावली.
  • महाराष्ट्र राज्य सरकारने पुढील वर्षाच्या गुढी पाडव्यापासून प्लास्टिकच्या पिशव्या वापरण्यावर मनाई हुकुम लागू होईल असे जाहीर केले. त्यामुळे ताग उत्पादन करणार्या कंपन्यांचे शेअर्स वाढले. या उद्योगातील लिस्टेड कंपन्या GLOSTER, LUDLOW आणी
  • महाराष्ट्र FDA ने PACKAGED पाण्याची तपासणी करण्याचे ठरवले आहे. पाण्याच्या २० ते २५ नमुन्यांची तपासणी केली जाईल.
  • दीपक फरटीलायजरने अमोनियम नायट्रेटसारख्या केमिकल्सवर ANTI DUMPING ड्युटी लावण्याची मागणी केली. सरकारने रशिया जॉर्जिया, इंडोनेशिया, इराण येथून येणाऱ्या केमिकलवर US $ ११,५० ते US $ ६० पर्यंत ANTI DUMPING ड्युटी लावली. याचा फायदा दीपक नायट्रेट, GNFC यांना होईल.
  • दूरदर्शनच्या वाहिन्यांनी पेट्रोल आणी डीझेल दरवाढीविरुद्ध चालवलेल्या मोहिमेला सरकारने बोलावलेल्या पेट्रोलियम मंत्रालयाच्या बैठकीत कोणतेही कर कमी होऊ शकणार नाहीत आणी आम्ही OMC कंपन्यांच्या कामात ढवळाढवळ करणार नाही असे सांगून थंडा प्रतिसाद दिला.
  • कर्नाटक सरकारने EV (इलेक्ट्रिक व्हेईकल) पोलिसी जाहीर केली. जे कोणी कर्नाटकात कारखाना लावतील त्यांना करात सवलत मिळेल. याचा फायदा अमरराजा BATTERY आणी एक्साईड यांना होईल.
  • सरकारने आर्बिट्रेशन अवार्डमध्ये मंजूर झालेले पैसे लवकर परत करावेत आणी याबाबतची परिस्थिती PMOला ५ सप्टेंबरपर्यंत अवगत करावी अशी शिफारस केली. याचा फायदा HCC, रिलायंस इन्फ्रा, पटेल इंजिनीअरिंग यांना होईल.
  • १० वर्षांपेक्षा जुन्या असलेल्या डीझेल गाड्यांवर बंदी घालण्यास NGT (NATIONAL GREEN TRIBUNAL) ने नकार दिला.
  • ओडिशा सरकारने वेदान्ताच्या ६ युनिटवर बंद करण्यास सांगितल्यामुळे अल्युमिनियमच्या उत्पादनावर परिणाम होईल. वेदांताने ओडिशामधील आपली ३ उत्पादन युनिट तात्पुरती बंद केली.

RBI SEBI आणी इतर प्रशासनिक संस्था

  • HDFC लाईफच्या IPO बद्दल सेबीने काही मुद्द्यांवर स्पष्टीकरण मागितले आहे. HDFC आणी HDFC लाईफ यांच्या हिताचे रक्षण होत आहे का हे पहायचे आहे. त्यामुळे HDFC लाईफच्या IPO ला उशीर होईल.
  • सुप्रीम कोर्टाने जे पी ASSOCIATE ला २७ ऑक्टोबर पर्यंत Rs २००० कोटी जमा करायला सांगितले.

अर्थव्यवस्थेच्या गोष्टी

  • ऑगस्ट २०१७ मध्ये WPI १.८८% वरून ३.२४% झाला. अन्नधान्य (५.७५%) इन्धन आणी उर्जा (९%) आणी प्रायमरी आर्टिकल्स (२.६६%) यात मोठी वाढ झाली.
  • IIP मध्ये जुलै २०१७ साठी १.२% वाढ दाखवली.
  • ऑगस्ट २०१७ मध्ये CPI मध्ये २.३६% वरून ३.३६% वाढ झाली. त्यामुळे महागाईत १% वाढ झाली/ही वाढ मुख्यतः घरे, इंधन, आणी अन्नधान्यातील किंमतीच्या वाढीमुळे झाली. ही CPI मार्च २०१७ पासून कमाल स्तरावर आहे.
  • FTSE चे RIBALANCING केले जाणार आहे FTSE मध्ये मोतीलाल ओसवाल, फ्युचर रिटेल, D-MART यांचा समावेश केला जाईल.

खाजगी कंपन्यांच्या घडामोडी

  • HFCL ही कंपनी सप्टेंबर २०१७ पासून CDR (CORPORATE DEBT RESTRUCTURING) मधून बाहेर आली.
  • टाटा पॉवर आणी टाटा केमिकल्स यामध्ये जे क्रॉसहोल्डिंग आहे ते टाटा सन्स खरेदी करणार आहे.
  • JENBURKT फार्माने शेअर ‘BUY BACK’ जाहीर केला. ‘BUY BACK’ प्रती शेअर Rs ५७६ या भावाने केला जाईल. ‘BUY BACK’ साठी कंपनी Rs १२ कोटी खर्च करेल.
  • ऑस्ट्रेलियातून जे एल एन जी आयात होते, त्याची किंमत ठरली आहे नवीन करार करून त्यापेक्षाही कमी किंमतीत भारत एलएनजी आयात करण्याची शक्यता आहे. २००९ मध्ये हे डील झाले होते. याचा फायदा गेल आणी पेट्रोनेट एलएन जी याना होईल. पेट्रोनेट एल एन जी ने श्रीलंकेतील प्रोजेक्टसाठी जपानी कंपनी की2 बरोबर करार केला.
  • IRB इन्फ्राला कैथाल राजस्थान प्रोजेक्ट चा टोल २७ वर्षे वसूल करण्यासाठी मंजुरी मिळाली. गेल्या चार महिन्यांपासून टोल वसुली सुरु झाली.
  • दीप इंडस्ट्रीजच्या अंकलेश्वर प्लांटसाठी ‘LOA’ मिळाला. ONGC कडून दीप इंडस्ट्रीजला ऑर्डर मिळाली.
  • भारती एअरटेल IUC (INTERCONNECT USAGE CHARGE) ४०% ते ५०% ने कमी करणार आहे. हा चार्ज पूर्वी Rs ०.१४ होता तो आता Rs ०.०७ किंवा Rs ०.०८ करणार आहे.
  • कोची शिपयार्डचे लिस्टिंग झाल्यानंतरचा पहिला तिमाही निकाल चांगला आला
  • आसाममधल्या एका खाणीत IOC, ऑईल इंडिया आणी HOEC भागीदार आहेत. त्या खाणीत ११ सप्टेंबर २०१७ पासून व्यापारी तत्त्वावर उत्पादन सुरु झाले. याचा फायदा HOEC ला होईल.
  • टाटा स्टीलचा UK मध्ये जो पेन्शन फंडाबरोबर वाद चालला होता तो मिटला.
  • विप्रोने रोमानियामध्ये सॉफटवेअर सोल्युशन सेंटर उघडले
  • इन्फ्रास्ट्रक्चर कंपन्या अडचणीत आहेत. बँका या प्रोजेक्टसाठी कर्ज देण्यास तयार नाहीत. प्रोजेक्ट्स ठप्प झाल्या आहेत. त्यामुळे ठराविक प्रोजेक्टसाठी बॉंड इशू करावेत असे सरकारने ठरवले आहे.
  • इक्विटी इंटेलिजन्स इंडिया या फंडाने जेथे गुंतवणूक केली त्या कंपन्यांच्या शेअर्सचे भाव वाढले असे आढळले.
  • सेन्चुरी टेक्स्टाईलचा पेपर बिझिनेस विकल्यानंतर सेंच्युरीचे ग्रासिममध्ये मर्जर होईल गेल्या पांच वर्षात सेंच्युरी आणी ग्रासिम यांचे मर्जर अशी खबर आहे. पण या आठवड्यातील मीटिंगमध्ये या विषयी काहीच बोलणी झाली नाहीत.
  • इंडिया बुल्स रिअल इस्टेट ने गुरूग्राममध्ये एक प्लॉट खरेदी केला.
  • IPHONE 8 आज इंडियात येत आहे याचा फायदा HCL INFO आणी रेडिंगटन याना होईल.
  • कॅपिटल फर्स्ट मधील FPI लिमिट २४% वरून ५०% केली.
  • टाटा ग्लोबल बिव्हरेजीसकडे टाटा केमिकल्सचे १.०५ कोटी शेअर्स आहेत. हे शेअर्स टाटा सन्सला विकून त्यांना Rs ७५० कोटी मिळणार आहेत.
  • जेट एअरवेजच्या तिमाही निकालामध्ये प्रॉफीट मार्जीन आणी ऑपरेटिंग मार्जिन कमी झाले.
  • टायरचे भाव वाढले आणी सरकारही बरेच दिवसापासून असलेली ANTI DUMPING ड्युटीची मागणी पुरी करेल असे वाटते.
  • भारती एअरटेलने SK टेलिकॉमबरोबर STRATEGIC करार केला.
  • ज्युबिलंट फूडच्या बाबतीत एक विचित्र बातमी आली. पिझाबरोबर जे ओरगेनोचे जे पाकीट देतात त्यात किडे आढळले. त्यामुळे शेअर Rs १०० ने पडला. कंपनीने स्पष्टीकरण दिले की ही पाकिटे भरण्याचे काम ऑउट सोर्स केले आहे.
  • टाटा केमिकल्स आपला हल्दिया येथील फोस्फरीक केमिकल्स चा बिझिनेस विकणार आहे. हा विकत घेण्यात NETHERLANDS च्या एका कंपनीला इंटरेस्ट आहे.
  • एरीक्ससंने R COM वर IBC खाली दिवाळखोरीचा मामला दाखल केला..एअरसेलला स्पेक्ट्रममध्ये ट्रेडिंग करता येणार नाही. DOT ने RCOM आणी एअरसेलच्या मर्जरला विरोध केला होता एअरसेल या कंपनीवर विविध बँकांनी दिलेले Rs १६००० कोटींचे कर्ज बाकी आहे.
  • त्रिनेत्र आणी त्रिशूल यांचे मर्जर होणार आहे. याचा फायदा इंडिया सिमेंटला होईल
  • टाटा कम्युनिकेशनकडे असलेली VSNL ची ७३८ एकर जमीन विक्रीतील सर्व अडचणी दूर झाल्या. कंपनी NCLT मध्ये जमीन ट्रान्स्फर करण्यासाठी अर्ज करील. जमीन HPIL मध्ये ट्रान्स्फर होईल. या जमिनीची किंमत अंदाजे Rs १५००० कोटी होईल.

कॉर्पोरेट एक्शन

  • भारत फोर्ज ३० सप्टेंबरला एक्स बोनस होईल.
  • इंडसइंड बँक आणी भारत फायनांसियल यांच्यात मर्जरसाठी बोलणी सुरु आहेत.
  • टुरिझम फायनान्समध्ये जो IFCIचा २६.१% स्टेक आहे तो IFCI विकणार आहे. हा हिस्सा महिंद्र हॉलिडेज, COX AND KINGS खरेदी करू शकतात.
  • इंटरग्लोब एव्हीएशन Rs ११२५ ते Rs ११७५ या BANDमध्ये QIP इशू करणार आहेत. कदाचित एअरइंडिया आणी जेट एअरवेज मध्ये स्टेक खरेदी करण्यासाठी हा पैसा खर्च करण्याची शक्यता आहे.
  • PANACEA बायोटेक आपला रिअल्टी बिझिनेस एका वेगळ्या कंपनीत डीमर्ज  करून त्या कंपनीचे लिस्टिंग करतील
  • फ्युचर ग्रूप HYPERCITY ही कंपनी Rs १००० कोटींना विकत घेण्याचा विचार करत आहे. . .

या आठवड्यात आलेले IPO

  • CAPACIT’E इन्फ्राप्रोजेक्ट्स ह्या कंपनीचा IPO १३ सप्टेंबरला ओपन होऊन १५ सप्टेंबरला बंद झाला. प्राईस BAND Rs २४५ ते Rs २५० होता मार्केट लॉट ६० शेअर्सचा होता, ही कंपनी मुंबईची असून बिल्डर्सना इक्विपमेंट आणी एंड टू एंड बांधकाम सेवा पुरवते. त्याबरोबरच या कंपनीच्या स्वतःच्याही बिल्डींग प्रोजेक्ट्स चालू आहेत. या कंपनीचा नफा ६६.८३ कोटी होता. IPO ची प्रोसीड्स कंपनी इक्विपमेंट खरेदी करण्यासाठी आणी खेळत्या भांडवलासाठी वापरेल. हा IPO १८६ वेळा ओव्हरसबस्क्राईब झाला. .
  • ICICI लोम्बार्ड या जनरल इन्शुरन्स क्षेत्रातील कंपनीचा IPO १५ सप्टेंबरला उघडून १९ सप्टेंबरला बंद होईल प्राईस BAND Rs ६५१ते Rs ६६१ असून मिनिमम लॉट २२ शेअर्सचा आहे.
  • SBI लाईफचा IPO २० सप्टेंबर २०१७ पासून ओपन होईल. याचा प्राईस BAND Rs ६८५ ते Rs ७०० आहे. या शेअरचे लिस्टिंग ३ ऑक्टोबर २०१७ ला होईल.
  • SBI आपला क्लीअरिंग कॉर्पोरेशन, रेटिंग एजन्सी मधील स्टेक आणी नॉनकोअर ASSETS विकणार आहेत.
  • इंदोरस्थित PRATAAP SNACS या कंपनीचा Rs ५३० कोटींचा IPO सप्टेंबर २२ २०१७ ते सप्टेंबर २६ २०१७ या काळात ओपन असेल. याचा प्राईस BAND Rs ९३० ते Rs ९३८ आहे. यलो डायमंड हा वेफर्सचा ब्रांड प्रसिद्ध आहे. यासारखीच DMF फूड्स ही कंपनी आहे.
  • गोदरेज अग्रोव्हेटच्या IPO साठी सेबीची परवानगी मिळाली.
  • डिक्सन टेक चा इपो 117 वेळा (रिटेल कोटा १०.२ वेळा) ओव्हरसबस्क्राईब झाला. भारत रोड नेट वर्क्स चे रिटेल कोटा ६.९ पट ओव्हरसबस्क्राईब झाला.

मार्केटने काय शिकवले

या आठवड्यात पॉवर सेक्टरचा बोलबाला होता. एनर्जी एक्स्चेंजवर सातत्याने VOLUME वाढत आहेत. त्याचा फायदा पॉवर ट्रेडिंगला होईल. पॉवर एक्स्चेंजचे VOLUME वाढले मर्चंटपॉवरचे रेट वाढले. गेल्या तीन वर्षातल्या कमाल स्तराला पोहोचले. त्याचबरोबर मेटल RALLY सुरु आहेच. यामध्ये पॉवर जनरेशन, डीस्ट्रीब्युशन, पॉवरला लागणारी साधने, आणी पॉवर कंपन्यांना कर्ज देणाऱ्या बॅंका यांचा एकत्रित विचार करावा. OBC सारख्या बँकेने ६५% कर्ज स्टील आणी पॉवर कंपन्याना दिले आहे. PTC, PTC फायनांस, टाटा पॉवर,रिलायंस पॉवर, JSPL, OBC, कोल इंडिया यांना फायदा होईल.

युनायटेड नेशन्सच्या सिक्युरिटी कौन्सिलची बैठक शुक्रवारी संध्याकाळी आहे. या आठवड्यातील ही दुसरी बैठक आहे उत्तर कोरिया दांडगाई करत आहे कौन्सिल ‘लहान मुल’ आहे असे समजून साम, दाम, दंड, भेद असे उपाय करून उत्तर कोरियाला सोडते की जास्त कडक निर्बंध लावते याकडे सगळ्या जगाचे लक्ष आहे. या निर्बंधांचा जागतिक व्यापारावर पर्यायाने विविध देशांच्या चलनाच्या विनिमयदरावर आणी जगातल्या शेअरमार्केटमधील व्यवहारांवर परिणाम होईल. ‘पण मला काय त्याचे पैसा येतो आहे तोपर्यंत मी वाढतच राहीन, मला सभोवताली बघायची गरज काय?’ असे जणू मार्केट सांगते आहे असे वाटते.

पुढील आठवड्यात डिक्सन टेक्नोलॉजी,MATRIMONY,COM  आणी भारत रोडवेज याचे लिस्टिंग, FOMC ची १९ सप्टेंबर २०१७ ते २० सप्टेंबर २०१७ या दोन दिवशी होणारी मीटिंग ADVANCE TAXचे  आकडे, आणी बँक ऑफ जपानची पोलिसी, SBI लाईफचा IPO याकडे लक्ष ठेवावे लागेल. बघू या काय होते ते !

BSE निर्देशांक sensex ३२२७२ तर NSE निर्देशांक निफ्टी १००८५ वर तर बँक निफ्टी २४८४४ वर बंद झाले

 

Guru Purnima 2014

आठवड्याचे-समालोचन – मार्केट हाच गुरु – ०४ सप्टेंबर २०१७ ते ८ सप्टेंबर २०१७

आधीच्या आठवड्याचं समालोचन वाचण्यासाठी इथे क्लिक करा

मार्केट हाच गुरु – ०४ सप्टेंबर २०१७ ते ८ सप्टेंबर २०१७

घटनांचा सुकाळ पण मार्केटमध्ये दुष्काळ असे या आठवद्याचे वर्णन करतां येइल. मार्केट वाढते आहे की पडते आहे हे समजत नव्हते. पण “ बाळ तुला समजत नाही कां ? मी समजावतो हं ! रोज माझे निरीक्षण कर. प्रत्येक गोष्टीचा उलगडा होईल.” असे मार्केट मला सांगत आहे असे वाटले. त्यामुळे ५ सप्टेंबर म्हणजे शिक्षकदिनाच्या दिवशी माझा आदर्श शिक्षक म्हणून मी मार्केटचेच मनापासून आभार मानले.

शेअर मार्केट थिअरी आणी प्रात्यक्षिक यांचा मेळ बरोबर घालते. जे मोठेमोठ्या तज्ञानाही जमत नाही. अर्थशास्त्राच्या नियमाप्रमाणे ज्या कंपन्यांचे  कामकाज चांगले आहे ते शेअर मजबूत असतात. पण VOLUME म्हणजेच देवघेवीची पण गरज असते. ज्या शेअरमध्ये देवघेव किंवा व्यवहार वाढतात त्या शेअरच्या किंमतीतही जोरदार हालचाल दिसते. चांगली बातमी की वाईट बातमी याचा न्यायनिवाडा ताबडतोब केला जातो त्यात पक्षपात नाही त्यामुळे मार्केट हाच गुरु.

आंतरराष्ट्रीय घडामोडी

USA चे अध्यक्ष ट्रम्प आणी USA मधील उद्योगजगत यामध्ये एक फार चित्तवेधक लढाई सुरु आहे. USA च्या नागरिकांच्या हितासाठी USA मधील प्रवेशावर किंवा वास्तव्यावर ट्रम्प जे निर्बंध आणत आहेत त्याला USA मधील उद्योग जगत प्रखर विरोध करत आहे. मग तो H1B व्हिसाचा प्रश्न असो किंवा विशिष्ट देशातून येणार्या लोकांवर बंदी घालण्याचा प्रश्न असो किंवा आताचा DACA (DEFERED ACTION FOR CHILDREN ARRIVAL) रद्द करण्याचा निर्णय असो. जी लहान मुले बेकायदेशीररीत्या USA मध्ये आली किंवा आणली गेली आणी मोठी झाली त्यांना USA मधील वास्तव्यासाठी या कायद्यात प्रावधान आहे. USA च्या उद्योग जगताचे असे म्हणणे आहे की या लोकांनी USA मधील उद्योगांच्या प्रगतीला आणी त्याद्वारे USA च्या प्रगतीला हातभार लावला आहे. आता त्यांना अचानक देशाबाहेर जा असे सांगणे क्रूरपणा होईल. हा कायदा रद्द केल्यामुळे २०००० भारतीयांना  भारतात परत पाठवले जाऊ शकते. कोणतेही दरवाजे उघडणे सोपे असते पण त्रास व्हायला लागल्यावर बंद करणे फार अवघड जाते. आपला देश यावरून आपली अर्थव्यवस्था खुली करताना धडे घेऊ शकतो.

उत्तर कोरियाने जास्त ताकदीच्या हायड्रोजन बॉम्बचे परीक्षण केले.  त्यामुळे USAचे अध्यक्ष ट्रम्प भडकले. त्यानी उत्तर कोरियावर सर्व जगाने आर्थिक निर्बंध घालावेत आणी उत्तर कोरियाबरोबरचा व्यापार थांबवावा असे आवाहन केले. चीनचा बर्याच नोठ्या प्रमाणावर उत्तर कोरियाबरोबर व्यापार चालतो. याचा चीनच्या चलनावर कसा परिणाम होतो हे पाहिले पाहिजे. USA वर निसर्गाचा कोप होतो आहे हार्वे पाठोपाठ ‘इर्मा’ नावाचे वादळ USA च्या किनार्यावर धडकेल.

सोमवारी USA ची मार्केट्स लेबर डेची सुट्टी असल्यामुळे बंद होती. हे मार्केटच्या दृष्टीने चांगले असते म्हणा ! जेव्हा  मांजरे नसतात तेव्हा उंदीर चांगले खेळतात तशी भारतीय बाजाराची गत आहे.

युरोपिअन सेन्ट्रल बँकेने आपला अर्थव्यवस्थेला STIMULAS देणारा कार्यक्रम सुरु ठेवणार अशी घोषणा केली.  ECB ने व्याजाचे दर कायम ठेवून ६० बिलियन युरो प्रती महिना याप्रमाणे डिसेंबर २०१७पर्यंत ASSET(बॉंड)   विकत घेउ असे सांगितले. जर अर्थव्यवस्था सुधारण्यासाठी गरज भासली तर यातील रकमेमध्ये किंवा मुदती मध्ये वाढ करण्यात येईल असे सांगितले.

MEXICO मध्ये ८ रिक्टर स्केलचा भूकंप झाला याचे परिणाम म्हणून ८ देशांना सुनामीची सुचना दिली.

सरकारी अन्नौनमेंट

  • भारताच्या केंद्रीय मंत्रिमंडळात मोठे फेरबदल झाले. पियुष गोयल रेल्वे मंत्री, सुरेश प्रभू वाणिज्य मंत्री, आणी निर्मला सीथारामन या संरक्षण मंत्री झाल्या. रेल्वे, वाणिज्य, आणी संरक्षण मंत्रालयाच्या बाबतीत उद्योगजगताला अगत्य आहे कारण या तीनही खात्यात खाजगी उद्योगांना मोठमोठी कामे मिळण्याची शक्यता आहे.
  • एअर इंडिया ही सरकारी विमान वाहतूक कंपनी विकण्याची सरकारने योजना बनवली आहे. एअर इंडियाला असलेले Rs ३१००० कोटींचे कर्ज आणी एअर इंडियाच्या ५ सबसिडीअरी आणी १ जॉइंट व्हेन्चर आणी इतर संपत्ती एक SPV (स्पेशल पर्पज व्हेहिकल) बनवून तिच्याकडे सुपूर्द केले जाईल ही SPV हे सर्व विकून जितके कर्ज फेडता येईल तेवढे फेडेल. जर काही कर्ज बाकी उरले तर ते फेडण्याची सरकार व्यवस्था करेल. यासाठी सरकार करमुक्त रोखे वापरू शकते. एअरक्राफ्ट विकत घेताना त्या एअरक्राफ्टसाठी घेतलेले कर्ज एअरक्राफ्ट विकत घेणाऱ्याच्या नावाने ट्रान्स्फर होईल.
  • गुजरात राज्य सरकारने आपले टेक्स्टाईल धोरण एक वर्षाकरता वाढवले. या धोरणात स्वस्त कर्ज आणी स्वस्त वीज याची तरतूद आहे.
  • सरकारने दक्षिण भारतातील साखर कारखान्यांना साखरेची आयात करण्याची परवानगी दिली आहे. सरकार एकूण ३ लाख टन साखरेची आयात करेल.
  • पुणे, पाटणा, चेन्नई येथे नवीन एअर पोर्ट होतील तसेच इतर ठिकाणी २५० एअरपोर्ट बांधणार आहे.
  • सरकारने गोल्ड लोनवरच्या व्याजाच्या रेटमध्ये कपात करावी आणी सोने लीजवर आयात करण्यास परवानगी द्यावी अशी अर्थमंत्रालयास PMOने शिफारस केली आहे.
  • सरकारने NBCC या कंपनीला विदेशात काम मिळण्याची संभावना बघायला सांगितली आहे.

RBI SEBI आणी इतर प्रशासनिक संस्था

  • सुप्रीम कोर्टाने जे पी इन्फ्राच्या बाबतीत IBC खाली INSOLVENCY ची प्रक्रिया सुरु करण्याच्या NCLT च्या निर्णयास स्थगिती दिली.
  • सिप्लाच्या गोव्यामधील ४ युनीट्सना जर्मन ड्रग एजन्सीने पुन्हा परवानगी दिली.
  • SEBI ने असे जाहीर केले की जे डायरेक्टर्स शेल कंपन्यांमध्ये डायरेक्टर होते ते दुसऱ्या कंपन्यांत डायरेक्टर्स असू शकणार नाहीत.
  • STOCK एक्स्चेंजचा ट्रेडिंग टाईम वाढवावा आणी शनिवारी ट्रेडिंग चालू करावे काय यावर विचार करण्यासाठी SEBI ने बैठक बोलावली आहे. याचा फायदा STOCK एक्स्चेंज आणी ब्रोकरना होईल. उदा EDELWEISS, JM फायनान्स, मोतीलाल ओस्वाल, रेलीगेरे, आणी CDSL आणी NSDL या डीपॉझीटरीजना होईल.
  • सेबीने दोन प्रस्तावावर चर्चा करायला सुरुवात केली आहे. (१) सुमारे ७५००० पब्लिक लिमिटेड आणी १ मिलियन प्रायव्हेट अनलिस्टेड कंपन्याच्या शेअर्सचे डीमटेरीअलायझेशन करायचे (२) STOCK डेरिव्हेटीव CONTRACT मध्ये फिझीकल सेटलमेंट करणे. म्हणजे शेअर्सची प्रत्यक्ष डिलिव्हरी देणे किंवा घेणे. आता ही CONTRACTS कॅशमध्ये सेटल होतात.
  • आता ज्याप्रमाणे बँकनिफ्टी मध्ये वायदेबाजारामध्ये आठवड्याचे सौदे होतात त्याप्रमाणे निफ्टी 50 मध्ये वायदे बाजारात साप्ताहिक सौदे होतील
  • ब्युरो ऑफ एनर्जी एफिसियन्सी ने LED इलेक्ट्रिकल उपकरणांसाठी काही नवीन नियम केले.आता BEE रेटिंग शिवाय ही उपकरणे विकली जाउ शकणार नाहीत. याचा फायदा सूर्या रोशनी,बजाज इलेक्ट्रिकल, HAVELLS या कंपन्यांना होईल. या उपायांमुळे चीनमधून होणार्या स्वस्त मालाच्या आयातीला आळा बसेल.

खाजगी कंपन्यांच्या घडामोडी

  • USA मधील मेरीगोल्ड कॅपिटल ही कंपनी हॉटेल लीलाची चेन्नई येथील मालमत्ता खरेदी करणार आहे.
  • हिंदुस्थान झिंक झिंकबरोबर चांदीचे उत्पादन करत असल्यामुळे वाढलेल्या चांदीच्या भावामुळे (Rs ४५०००) या कंपनीला फायदा होईल.
  • इंद्रप्रस्थ GAS या कंपनीला कर्नाल सिटीमध्ये GAS वितरणासाठी अडाणी ग्रूपबरोबर लायसेस मिळाले.
  • एल आय सीने बँक ऑफ बरोडाच्या शेअर्स मधील आपला स्टेक कमी केला.
  • रिलायंस इथेन आयात करतात आणी याचा उपयोग नाफ्ताएवजी केला जातो. त्यामुळे रिलायंसचे मार्जिन वाढेल.
  • कोरोमोंन्डेल फरटीलायझरला Rs १७५० कोटी मिळणे बाकी आहे. २०१८ सालापासून DBT चालू होणार असल्यामुळे कंपनी सहा महिन्यात कर्जमुक्त होऊ शकेल.
  • मंगळवार तारीख ६ सप्टेंबर २०१७ रोजीच्या रिलायंस कॅपिटलच्या किंमतीत (Rs ६८८) रिलायंस होम फायनान्सची किंमत नव्हती. त्यामुळे रिलायंस होम फायनांसचा भाव Rs १३७ झाला.
  • भारत-म्यानमार-थायलंड हा हायवे बनवण्याचे काम पुंज लॉईड या कंपनीला मिळाले.
  • USA मध्ये क्लास 8 ट्रकची विक्री वाढली याचा फायदा भारत फोर्जला होईल.
  • पेट्रोनेट एल एन जी ही कंपनी सिंगापूरमध्ये एल एन जी टर्मिनल लावणार आहे. हे जॉइंट वेंचर जपान आणी श्री लंकेच्या कंपनीबरोबर पेट्रोनेट एल एन जी करेल.
  • टाटा मोटर्सच्या जमशेदपूर प्लांट मध्ये संप चालू आहे.
  • MCX वर दसऱ्यानंतर सोन्यामध्ये ऑप्शन ट्रेड सुरु करणार आहे.
  • आयचर मोटर्स ही कंपनी VOLKSWAGEN या कंपनीची मोटरबाईक बनविणारी DUCATI ही कंपनी विकत घेण्यासाठी बीड टाकणार आहे.
  • बँक ऑफ बरोडाने त्यांच्याकडे गहाण ठेवलेल्या सुमारे Rs ४०० कोटी किंमतीच्या २७५ विविध मालमत्ता विकायला काढल्या आहेत
  • युनायटेड बँक आपले ४८ NPA अकौंट Rs ८६२ कोटींना विकणार आहे.
  • IDBI आपला SIDBI मधील १३.७ स्टेक विकणार आहे त्यासाठी बोली मागवल्या आहेत.
  • कॅडिला हेल्थकेअरच्या मोरेय्या प्लांटला USFDA कडून क्लीन चीट मिळाली.
  • गुंतवणूकदारांना बरोबर माहिती दिली नाही म्हणून USA मधील ३ LAW फर्म्सनी DR रेड्डीज या कंपनीविरुद्ध क्लास एक्शन SUIT दाखल केली जर्मन रेग्युलेटरने. DR रेड्डीजच्या दुवाडा प्लांटच्या केलेल्या इन्स्पेक्शनमध्ये ६ त्रुटी दाखवल्या
  • ONGCच्या झारखंडमधील दोन कोळशाच्या खाणींमध्ये जानेवारी मार्च पासून उत्पादन सुरु झाले.जोपर्यंत क्रूड 65 च्या खाली आहे तोपर्यंत ONGC वर सबसिडीचा ताण असणार नाही.
  • STAR INDIA ला IPL चे ५ वर्षांसाठी टी व्ही डिजिटल राईट्स Rs १६३४७ कोटीना मिळाले.
  • आंध्र प्रदेश आणी तेलंगणामध्ये सिमेंटचा भाव ५० किलोच्या गोणीमागे Rs १० ने वाढवला.
  • मध्यप्रदेशात पावसाचे प्रमाण कमी आहे त्यामुळे सोयाबीनच्या पिकावर प्रतिकूल परिणाम झाला आहे.

कॉर्पोरेट एक्शन

  • JENBURKT फार्मा या कंपनीने ९ सप्टेंबर २०१७ रोजी शेअर ‘BUY BACK’ वर विचार करण्यासाठी बोर्ड ऑफ डायरेक्टर्सची बैठक बोलावली आहे.
  • NLC मधील १५% हिस्सेदारी सरकार विकून आपली हिस्सेदारी ८९% वरून ७४% वर आणणार आहे.
  • मर्क ग्लोबल आपला हेल्थकेअर कारभार विकणार आहेत.
  • रेड्डीज या कंपनीने २०१० मध्ये GSK कडून पेनिसिलीनचा कारभार खरेदी केला होता. तो आता DR रेड्डीज USA मध्ये विकणार आहेत.
  • रिलायंस इंडस्ट्रीज LTD चे शेअर्स गुरुवार दिनांक ७ सप्टेंबर पासून एक्स-बोनस झाले.

या आठवड्यातले आणी नजीकच्या भविष्यकाळातील IPO

  • या आठवड्यात भारत रोड नेटवर्क चा IPO ६ सप्टेंबर २०१७ ला ओपन होऊन ८ सप्टेंबर २०१७ ला बंद झाला. प्राईस BAND Rs १९५ ते Rs २०५ असून मिनिमम लॉट ७३ शेअर्स चा होता. या कंपनीचा मुख्य व्यवसाय सरकारी कामानुसार रोड बांधून त्याच्या टोलमधून उत्पन्न मिळविणे हा आहे. या IPO ला गुंतवणूकदारांनी थंडा प्रतिसाद दिला.
  • दुसरा IPO DIXON TECHNOLOGIS (INDIA) या कंपनीचा आला. प्राईस BAND Rs १७६० ते Rs १७६६ होता. मिनिमम लॉट ८ शेअर्सचा होता. ही कंपनी इतर आंतरराष्ट्रीय कंपन्यांसाठी व्हाईट गुड्स (मोबाईल्स, वाशिंग मशीन्स, इत्यादीचे उत्पादन करते. ह्या IPO ला चांगला प्रतिसाद मिळाला.
  • रिलायंस जनरल इन्शुअरंस च्या IPO ला IRDA ने मंजुरी दिली आहे. हा IPO नोव्हेंबर २०१७ पर्यंत येईल. या IPO द्वारा रिलायंस कॅपिटल आपला २५% स्टेक विकेल.
  • ICICI लोम्बार्डचा IPO १५ सप्टेंबरला ओपन होऊन १९ सप्टेंबरला बंद होईल. या IPOचा प्राईस BAND Rs ६५१ ते Rs ६६१ असून मिनिमम लॉट २२ शेअर्सचा आहे. ही कंपनी ICICI बँक आणी FAIRFAX यांचे जॉइंट व्हेन्चर असून या IPO द्वारा त्यांचा प्रत्येकी १९% स्टेक विकणार आहेत. ह्या इशू द्वारे कंपनी Rs ५७०० कोटी उभारेल. ही कंपनी खाजगी जनरल इन्शुरन्सच्या क्षेत्रातील सर्वात मोठी कंपनी आहे. कंपनीचा मार्केट शेअर ८.४ % असून कंपनीने FY २०१७ साठी Rs ६२२ कोटींचा नफा मिळवला आहे. MAX FANANCIAL आणी ICICI प्रू या कंपन्या स्पर्धक आहेत.
  • SBI लाईफ इन्शुरन्स या कंपनीचा IPO २० सप्टेंबरला उघडेल. या IPO द्वारा Rs ८५०० कोटी गोळा होतील.
  • चेन्नई स्थित विवाह जुळविणारी संस्था COM या कंपनीचा IPO सप्टेंबर ११ २०१७ ला ओपन होऊन १३ सप्टेंबर २०१७ ला बंद होईल. हा IPO Rs ५०० कोटींचा असून प्राईस BAND Rs ९८३ ते Rs ९८५ आहे. रिटेल गुंतवणूकदारांना Rs ९८ डिस्काऊंट आहे मिनिमम लॉट १५ शेअर्सचा आहे. ही कंपनी आपल्या भारत, कम्युनिटी, आणी एलाईट MATRIMONY.COM या तीन ब्रांडतर्फे ऑनलाईन विवाह जुळविण्याचे काम करते. या कंपनीला २०१६ पर्यंत तोटा होत होता, या कंपनीचे प्रमुख उत्पन्न नोंदविलेल्या सभासदांची वर्गणी असल्यामुळे अनिश्चित असते. हा IPO महाग किंमतीला आणला आहे. या कंपनीचा INFO EDGE (शादी.com) हा स्पर्धक आहे.

या आठवड्यातले लिस्टिंग

  • APEX फ्रोझन फूड्सचे सोमवारी Rs १९९.९० वर लिस्टिंग झाले. हा शेअर IPO मध्ये Rs १७५ लाडीला होता. शेअर लिस्टिंग नंतर वाढला.

मार्केटने काय शिकवले

सर्व मार्केट विश्लेषक तज्ञ आपापल्या कुवतीनुसार आणी अनुभवानुसार जे मार्केटमध्ये घडते किंवा घडणार आहे त्यावर आपापली मते व्यक्त करत असतात. त्यांचीही मते काही वेळा, काही विशिष्ट परीस्थितीत चुकीची ठरू शकतात. आपल्याला लोकांची, तज्ञाची, विश्लेषकांची मते, आपण अभ्यासाअंती बनवलेली मते आणी मार्केटमध्ये प्रत्यक्षात निर्देशांकात आणी वेगवेगळ्या शेअर्सच्या किंमतीत होणारे बदल यांची सांगड घालणे जरुरीचे असते. मार्केट काही वेळेला काही गोष्टींना प्रमाणाबाहेर तीव्र आणी आकस्मिक प्रतीक्रिया देते. अशावेळी आपल्या मनाचा तोल न जाऊ देता आपल्या अभ्यासाधिष्ठीत मताचा फेरविचार करावा आणी शांत राहून रिस्क रिवार्ड रेटचा विचार करून निर्णय घ्यावा. आपल्या अशाच वेळच्या भूतकाळातील असा अनुभव आणी त्यावेळी आपण केलेली कृती आणी त्याचे परिणाम आठवावे आणी सर्व गोष्टींचा साकल्याने विचार करून निर्णय घ्यावा. प्रत्येकवेळी मार्केट समान परिस्थितीमध्ये एकाच तऱ्हेच्या घटनेला वेगवेगळी प्रतिक्रिया देते. ‘ऐकावे विश्लेषकांचे, तज्ञांचे पण करावे आपल्या अभ्यासानुसार आणी अनुभवानुसार’ हा मंत्र सतत जपावा. कारण जर नुकसान झाले तर आपलेच होणार असते.

दोन नवीन लिस्टिंग झालेल्या कंपन्यांच्या शेअर्सचे भाव विरुद्ध दिशेने जात आहेत. AB कॅपिटलला रोज लोअर सर्किट लागत आहेत तर अपेक्स फ्रोझन फूड्स ला रोज वरचे सर्किट लागत आहे.

आता सणासुदीचा हंगाम चालू झाला आहे. तसेच शेतकऱ्यांच्या हातातही पिकाचे पैसे या दोन महिन्यात येतील. सरकारी कर्मचाऱ्यांना वेगवेगळ्या भत्त्यांची थकबाकी मिळेल. त्यामुळे ऑटो, FMCG, क्षेत्रातील कंपन्यांची विक्री आणी नफा वाढेल GST चे चित्रही साफ होत जाईल त्यामुळे तिसरया तिमाहीचे या क्षेत्रातील कार्यरत कंपन्यांचे निकाल चांगले येतील अशी अपेक्षा आहे.

GST च्या परिणामाविषयी अनिश्चितता असल्यामुळे सर्व कंपन्यांनी आपल्या जाहिरात खर्चाला तात्पुरता आळा घातला होता. आता GST विषयी चित्र स्पष्ट झाल्यामुळे पूर्वीप्रमाणे जाहिरात खर्च कंपन्या करायला लागल्यामुळे मिडीया क्षेत्रातल्या कंपन्यांना चांगले दिवस येतील. म्युजिक ब्रॉडकास्ट, HT मेडीया, राज टीव्ही, सन टी व्ही, टी व्ही 18, एनडीटीव्ही, मुक्ता आर्ट्स, ADLABS, हिंदुजा व्हेंचर्स, डेन नेटवर्क, टीव्ही टुडेया कंपन्या मीडीया क्षेत्रात कार्यरत आहेत.

‘मी तब्येतीने ठणठणीत आहे’ असे मार्केट सांगते आहे असे वाटते, कितीही वादळे आली तरी निफ्टीने ९९०० चा किल्ला गेले दोन आठवडे लढवला आहे. शेअर मार्केटने अनेकाना ज्ञानी केले आहे. रोजगार उपलब्ध करून दिला आहे. पैसा मिळवण्याची संधी दिली आहे. आईप्रमाणे मार्गदर्शन केले आहे. शेअरमार्केटचे संस्कार लावले आहेत. त्यामुळे मी शेअरमार्केट्ची ऋणी आहे

BSE निर्देशांक सेन्सेक्स ३१६८७ आणी NSE निर्देशांक निफ्टी ९९३४ आणी बँक निफ्टी २४३७० वर बंद झाले.

 

 

 

आठवड्याचे-समालोचन – जसा पाउस तशी छत्री – 28 ऑगस्ट २०१७ ते १ सप्टेंबर २०१७

आधीच्या आठवड्याचं समालोचन वाचण्यासाठी इथे क्लिक करा

जसा पाउस तशी छत्री – 28 ऑगस्ट २०१७ ते १ सप्टेंबर २०१७

गेला आठवडा वेगवेगळ्या घटनांमुळे गाजला. प्रथम अतिवृष्टी, नंतर USA मध्ये आलेले वादळ, उत्तर कोरियाने जपानवरून डागलेले क्षेपणास्त्र, RBI ने इशू केलेली ४० NPA कंपन्यांची यादी, आणी मंत्रिमंडळात नजीकच्या भविष्यात होणारे बदल,या घटनांमुळे दोलायमान अवस्थेत गेला.’पाउस पडेल तशी छत्री धरावी’हे ध्यानात ठेवूनच मार्केटमध्ये व्यवहार करावे लागले.

आंतरराष्ट्रीय घडामोडी

  • USA मध्ये हरिकेन हार्वे या नावाच्या वादळामुळे पेट्रोनास आणी शेल या दोन रिफायनरीज बंद कराव्या लागल्या. याचा फायदा भारतातील OMC कंपन्यांना होईल उदा BPCL, HPCL, IOC
  • USA वारंवार करीत असलेल्या इशाऱ्याकडे दुर्लक्ष करून उत्तर कोरियाने आपले क्षेपणास्त्र जपानच्या पलीकडे असलेल्या ग्वाम या USAच्या सैनिकी तळाकडे परीक्षणासाठी डागले. जरी यात वित्तहानी किंवा जीवितहानी झाली नसली तरी जगभरात खळबळ माजली आणी जगभरातील नार्केट काही काळ पडली. सोने आणी इतर धातूंच्या किंमतीत तेजी आली.
  • कारमायकेल प्रोजेक्टवर आता अडानी एन्टरप्रायझेस काम सुरु शकेल. ऑस्ट्रेलियन सरकारने स्पष्टपणे सांगितले की अडानी एन्टरप्रायझेसला सर्व प्रकारच्या मंजुरी मिळाल्या आहेत आता त्यांना हवे असल्यास ते कोळसा आणी युरेनियम कारमायकेल माईन्समधून निर्यात करू शकतात. याचा फायदा अडानी एन्टरप्रायझेस आणी अडानी पॉवर या कंपन्यांना होईल. पर्यायाने भारतात स्वस्त वीज निर्मिती करणे शक्य होईल.
  • लिबियामधील दोन ऑईल फिल्ड मधून क्रूडचा पुरवठा कमी झाला.

सरकारी अन्नौंसमेंट

  • सोने आणी चांदीच्या खरेदीविक्रीच्या प्रत्येक व्यवहारासाठी PAN कार्ड अनिवार्य केले जाण्यावर सरकार विचार करत आहे.
  • सरकारने कनसॉलिडेटेड FDI पॉलिसी जाहीर केली. प्रिंट मेडीया आणी विमानवाहतूक करणाऱ्या कंपन्यांसाठी २६% ठेवली. १००% FDI असणाऱ्या कंपन्यांवर याचा काहीही परिणाम होणार नाही
  • सणासुदीचे दिवस असल्यामुळे सरकारने साखरेसाठी STOCK लिमिट जाहीर केली.
  • मंत्रिमंडळाने GST COMPENSATION ACT मध्ये वटहुकुमाद्वारे सेस १५% ते २५% पर्यंत वाढविण्याचा अधिकार मिळवण्यासाठी मंजुरी दिली लक्झुरी कार्स आणी ड्रायव्हर धरून १५ सीटर गाड्यांवर आता २५% सेस लावला जाईल. या वटहुकुमावर राष्ट्रपतींची सही झाल्यावर अर्थमंत्रालय याबाबतीत नोटिफिकेशन जाहीर करेल. हा विषय ९ सप्टेंबरला होणार्या GST कौन्सिलच्या मीटिंगमध्येही ठेवला जाईल.
  • सरकारने ASBESTOS शीटवरील GST २८% वरून १८% केल्यामुळे हैदराबाद इंडस्ट्रीजला फायदा होईल
  • PAN ला AADHAAR लिंक करण्यासाठी मुदत ३१ डिसेंबर २०१७ पर्यंत सरकारने वाढवली.
  • PSU बँकांचे मर्जर आणी इतर रीऑर्गनायझेशन सोपे व्हावे म्हणून अर्थ मंत्रालयाने PSU बँकांना COMPETITION ACT मधील काही कलमांतून १० वर्षेपर्यंत सूट दिली आहे.
  • इंटर मिनिस्टेरियल ग्रूप ने स्पेक्ट्रम पेमेंटची मुदत १० वर्षावरून १६ वर्षे करण्याची तसेच कर्जावरील व्याजाचा दर MCLR प्रमाणे आकारण्याची शिफारस केली.
  • सरकारने दक्षिण कोरिया, थायलंड, आणी युरोपिअन युनियन मधून आयात होणाऱ्या सिंथेटिक रबरवर ANTI DUMPING ड्युटी लावली.
  • सरकारने सरकारी कंपन्यांचे आरोग्य सुधारण्यासाठी प्रयत्न सुरु केले आहेत. क्रूड वाहतुकीसाठी जे दीर्घ मुदतीचे करार आहेत ते शिपिंग कॉर्पोरेशन ऑफ इंडियाकडे द्या असे सांगितले आहे. .

RBI SEBI आणी इतर प्रशासनीक संस्था

  • सुप्रीम कोर्टाने असा निकाल दिला की एक्सिस बँक आणी येस बँक यांच्याकडे गहाण ठेवलेले फोर्टिस हेल्थकेअरचे शेअर्स एक्सिस बँक, येस बँक किंवा सिंग बंधू विकू शकणार नाहीत.
  • RBI ने ४० NPA अकौंट झालेल्या कंपन्यांची यादी जाहीर केली. बँकांना आदेश दिले की त्यांनी या खात्यांचे रेझोल्युशन १३ डिसेंबर २०१७ पर्यंत करावे. जर हे शक्य झाले नाही तर या कंपन्यांना IBC खाली INSOLVENCY साठी रिफर करावे. बंकाना आता या अकौंटवर जास्त प्रोव्हिजन करावी लागेल. पर्यायाने त्यांच्या प्रॉफीटेबीलिटीवर परिणाम होईल.

खाजगी कंपन्यांच्या घडामोडी

  • इन्फोसिसचे संस्थापक श्री NR नारायण मूर्ती यांनी आपल्या गुंतवणूकदार आणी शेअरहोल्डर्स बरोबर केलेया वार्तालापात इन्फोसिसच्या कॉर्पोरेट गव्हर्नन्सविषयीची उच्च परंपरा आणी ती कसोशीने पाळ्ण्याची परंपरा यांचा उहापोह केला. मधल्या काळात झालेल्या कॉर्पोरेट गव्हर्नन्सच्या खालावलेल्या पातळीची काही उदाहरणे देवून ती उघड करण्यात मी माझे शेअरहोल्डरचे कर्तव्य बजावले असे सांगितले. नवीन नॉन एक्झीक्युटीव्ह चेअरमन श्री नंदन निलेकणी यांच्यावर विश्वास व्यक्त करून इन्फोसिसचे भविष्य उज्ज्वल आहे असे सांगितले. आपण भविष्यातही जर कंपनीत काही चुकीचे घडत असेल तर असेच काम करत राहू असे सांगितले.
  • वंदना सिक्का यांनी इन्फोसिस फौंडेशनमधील आपल्या पदाचा राजीनामा दिला.
  • उज्जीवन फायनान्स या कंपनीला शेड्युल्ड बँकेचा दर्जा मिळाला.
  • टाटा एलेक्सी या कंपनीने वीनोवा या कंपनी बरोबर विडीओ डीलीव्हारीसाठी करार केला.
  • MRF ने लक्झरी आणी प्रीमियम कारसाठी नवे टायर बाजारात आणले.
  • CESC चे चार विभागात १ ऑक्टोबर २०१७ पासून विभाजन होईल. ते या प्रमाणे (१) जनरेशन, (२) डीस्ट्रीब्युशन, (३) स्पेन्सर हॉटेल, (४) CESC व्हेंचर्स CESC चे १० शेअर्स असतील ५ शेअर्स जनरेशन, ५ शेअर्स डीस्ट्रीब्युशन, ३ शेअर्स स्पेन्सर्स, आणी २ शेअर्स CESC व्हेंचर्स चे शेअर्स मिळतील. या RECONSTRUCTION विषयी माहिती ‘GST ची वरात मार्केटच्या दारात’ या १५ मे ते १९ मे या ब्लोगमध्ये दिली आहे.
  • यावेळी साखर कारखान्यांचा गाळप हंगाम ऑक्टोबर २०१७ पासून सुरु होईल. नेहेमी हा हंगाम नोव्हेंबरमध्ये सुरु होतो. कामगार दिवाळी झाल्यानंतर गंगास्नान करून कामावर रुजू होतात. यावेळी दिवाळी लवकर आहे. दुसरे कारण असे की गेली ५ वर्षे उस पिकवणारे शेतकरी, शेतकी संशोधक आणी सरकार यांच्या प्रयत्नातून असा उस पिकवला आहे की जो गाळण्यासाठी लवकर तयार होतो आणी मिळणार्या साखरेच्या उताऱ्यावर काही परिणाम होत नाही. यामुळे साखरेचा पुरवठा वाढेल आणी साखरेच्या किमती नियंत्रणात राहतील.
  • आंतरराष्ट्रीय उड्डाणांवर जेट एअरवेजनी ६ सप्टेंबर २०१७ पर्यंत २०% सुट दिली आहे.
  • अडानी ग्रूपने SAAB बरोबर सिंगल इंजिन फायटर जेट बनवण्यासाठी करार केला.
  • आंध्र बँकेने १०३ खात्यामधील Rs २६३० कोटीच्या NPA साठी बोली मागवल्या आहेत
  • DCB बँकेचे मुख्य प्रमोटर आगाखान फौन्डेशन हे पाकिस्तानातील हबीब बँकेचेही प्रमोटर आहेत.USA मध्ये या बँकेला मनीलोंनडरिंगच्या आरोपाखाली दंड ठोठवला आहे.त्यामुळे DCB बँकेचा शेअर पडला.
  • स्टर्लिंग बायोटेक या कंपनीचा Rs ८ कोटींचा व्यवहार संशयास्पद वाटल्यामुळे आयकर विभागाने धाडी घातल्या.
  • या वेळी सर्व ऑटो उत्पादन करणाऱ्या कंपन्याच्या औटो विक्रीमध्ये चांगली वाढ दिसून आली. मारुती, ASHOK LEYLAND , महिंद्र आणी महिंद्र, बजाज ऑटो, आयचर मोटर्स या कंपन्यांच्या ऑटो विक्रीमध्ये वाढ झाली. बजाज ऑटोने GST लागू होण्याच्या वेळेस भारी डीसकौंट न दिल्यामुळे तसेच पुणे मुंबई आणी इतर शहरात रिक्षांचे नवीन परवाने देणार असल्यामुळे, तसेच त्यांनी नवीन व्हरायटी व्हेईकल बाजारात आणल्यामुळे शेअर वाढला. तसेच इतरही ऑटो उत्पादन करणाऱ्या कंपन्यांचे शेअर्स वधारले.
  • सद्भाव इंजीनिअरिंगने गुजरात मधील Rs९०० कोटींच्या रोड प्रोजेक्टसाठी कमीतकमी बोली दिली आहे.
  • जे पी असोशीएट कर्ज कमी करण्यासाठी आपला भिलाई प्लान्ट विकण्याचा विचार करत आहेत. य्यातून Rs १५०० कोटी मिळतील.
  • १६ जानेवारी ते २४ जानेवारी २०१७ या काळात USFDAने झायडसच्या अहमदाबाद युनिटची तपासणी केली. त्याना EIR दिला झायडस .ही कॅडिला हेल्थकेअरची सबसिडीअरी असल्यामुळे कॅडीलाला फायदा होईल.
  • कामत हॉटेल्सने कॅनरा बँकेकडून जे कर्ज घेतले आहे त्याची सेटलमेंट स्कीम मंजूर झाली. ही सेटलमेंट हप्त्याहप्त्याने केली जाईल.
  • RBL बँक, EDELWEISS या कंपन्या मन्नापूरम फायनान्स ही कंपनी विकत घ्यायला उत्सुक आहे.
  • गुडइअर टायर ही कंपनी ‘ग्रीन रेव्होल्युशन ’या तत्वावर सोयाबीन आधारीत एक रबर कामपाउंड तयार करून त्याचा उपयोग टायर बनवण्यासाठी करणार आहेत.
  • ७०० रेल्वे स्टेशन्सवर सोलर इन्व्हर्टर लावले जातील याचा फायदा ABB या कंपनीला होईल.
  • पठाणकोट-अमृतसर टोल रोड IRB इन्फ्रा InVit कडे देणार आहेत याचे त्याना Rs १६३० कोटी मिळतील.
  • आर्वी डेनिम, नंदन डेनिम या कंपन्यांमध्ये प्रमोटर आपला हिस्सा वाढवत आहेत.
  • USA मधील कोर्टात चालु असलेल्या पेटंट केसचा निकाल DR रेड्डीज च्या बाजूने लागला.

अर्थव्यवस्थेच्या गोष्टी

  • BPCL, UPL, बजाज फायनान्स हे शेअर्स निफ्टीमध्ये सामील होणार आहेत.
  • FY २०१८ च्या पहिल्या तिमाहीत GDP GROWTH ६.१% वरून ५.७ % झाली. वित्तीय घाटा Rs ६३००० कोटी तर राजस्व घाटा Rs ३९२०० कोटी झाला. स्टील, वीज आणी नैसर्गिक वायूचे उत्पादन वाढले.
  • NSE ने ऑप्शन ट्रेडर्स साठी ‘DO NOT EXERCISE’ ही नवीन FACILITY उपलब्ध करून दिली आहे. जर तुम्ही ‘IN THE MONEY’ ऑप्शन मध्ये असाल तर तुम्ही एक्सपायरीच्या दिवशी ४-३० ते ५.०० वाजेपर्यंत ‘DO NOT EXERCISE’ हे ऑप्शन वापरून ऑप्शन AUTOMATICALLY EXERCISE झाल्यामुळे द्याव्या लागणाऱ्या STT ची बचत करू शकता.

कॉर्पोरेट एक्शन

  • जे के पेपर या कंपनीने १४ सप्टेंबर २०१७ रोजी बोर्ड ऑफ डायरेक्टर्सची बैठक नोलाव्ली आहे. या बैठकीत बोनस शेअर्स इश्यू करण्यावर विचार होण्याची शक्यता आहे.
  • NTPC या कंपनीचा ऑफर फॉर सेल मंगळवार दिनांक २९ ऑगस्ट नॉन रिटेल आणी ३० ऑगस्ट २०१७ रोजी किरकोळ गुंतवणूकदारांसाठी ओपन होता. फ्लोअर प्राईस Rs १६८ ठेवली होती. किरकोळ गुंतवणूकदारांसाठी ५% डीस्काउंट ठेवला होता. नॉन रिटेल कोटा ओव्हर सबस्क्राइब झाला पण किरकोळ गुंतवणूकदारांचा प्रतिसाद यथातथाच होता.
  • सेन्ट्रल बँक आणी युनियन बँक यांचे मर्जर होईल अशी ऐकीव बातमी आहे.
  • SCHAEFFLER INDIA (पूर्वीची FAG BEARING) या कंपनीचे आणी INA BEARINGS INDIA आणी LUK INDIA या दोन कंपन्यांबरोबर मर्जर होणार आहे ह्या कंपन्या ऑटोमोटीव कॉम्पोनट च्या क्षेत्रात सुप्रस्थापित कंपन्या आहेत. हे मर्जर पूर्ण झाल्यावर जर्मन प्रमोटर्स आपला स्टेक ७४.१३# पर्यंत वाढवतील.
  • ४ सप्टेंबर २०१७ रोजी रिलायंस कॅपिटलची सर्व CONTRACTS बंद होतील. कारण ६ सप्टेंबर ही रेकॉर्ड डेट आहे. ५ सप्टेंबर पासून नवीन करार होतील. ४ सप्टेंबर पासून रिलायंस कॅपिटलमधून होम फायनांस वेगळा होईल. ज्यांच्या जवळ रिलायंस कॅपिटलचा १ शेअर आहे त्यांना रिलायंस होम फायनान्स चा १ शेअर मिळेल.

या आठवड्यातील लिस्टिंग

  • आदित्य बिर्ला कॅपिटलचे (ग्रासिममधून डीमर्जर झालेल्या कंपनीचे) NSE वर Rs २५० ला लिस्टिंग झाले

मार्केटने काय शिकवले

कोणत्याही कंपनीचा IPO येण्याआधी ज्यांच्याकडे शेअर्स असतात त्यांना शेअर्स चे लिस्टिंग झाल्यापासून १ वर्ष संपेपर्यंत शेअर्स विकता येत नाहीत. ही मुदत RBL बँकेच्या बाबतीत संपली. ही बातमी सकारात्मक किंवा नकारात्मक सिद्ध होऊ शकते. ह्या शेअर्स विक्रीची जी टांगती तलवार असते ती नष्ट झाल्यामुळे शेअर्सच्या किंमतीला स्थैर्य येते. RBL बँकेचा शेअर वाढला.

आपण आपल्याला येणार्या गुंतवणूकीविषयी सल्ला देणाऱ्या SMSचे कधी स्वागत केले आहे का? हे SMS प्रसिद्ध ब्रोकर्सच्या इमेल अड्द्रेसशी मिळत्याजुळत्या अड्द्रेसवरून पाठवल्या जातात. हे SMS तुम्हाला माहित नसलेल्या आणी अप्रसिद्ध कंपन्यांमध्ये मोठी गुंतवणूक करून वरचे टार्गेट्स देऊन विन्ड्फॉल फायद्याचे आश्वासन देतात. पण प्रत्यक्षात ९०% केसेसमध्ये हे विंडफॉल प्रॉफीट न होता हृदयविदारक तोटा होतो. आपण मोठ्या ब्रोकरकडून मेल आली आहे असे समजून या कंपन्यात गुंतवणूक करता आणी फशी पडता. यापैकी काही कंपन्यांची नावे : NECC, VKJ इन्फ्रा, महास्टील, SWADEIN, साईबाबा इन्व्हेस्टमेंट आणी कम्युनिकेशन. या कंपन्यांच्या शेअर्सची किंमत बहुतांशी कमी असते आणी तुम्हाला दुप्पट ते तिप्पट टार्गेट अचिव्ह होईल असे आमिष दाखवले जाते.

आता आपल्याला याची पद्धती समजावून घेतली पाहिजे. टेलिकॉम कंपन्या त्यांच्या PACKAGEप्रमाणे ‘BULK SMS’ पाठवण्याची FACILITY देतात. नंतर हे लोक डेटाबेस विकणार्या लोकांकडून तुमचा टेलिफोन नंबर मिळवतात. आणी BULK SMS पाठवतात. SMS माझ्या मोबाईलवर पाठवू नका असे टेलिकॉम कंपन्यांना सांगितले तरी अशा प्रकारचे SMS येत राहतात. असे SMS तुम्हाला आल्यास सेबीच्या खालील वेबसाईटवर कळवा – WWW.SEBI.GOV.IN . आपण १८००२६६७५७५ या नंबरवर फोन करू शकता.

यात आपल्याला सांगायचे इतकेच की आपण यासारख्या SMSवर अवलंबून त्यांच्या सांगण्याप्रमाणे जर त्यांनी सांगितलेल्या कंपन्यांमध्ये मोठी गुंतवणूक केलीत तर आपल्याला धोका होऊन आपले पैसे बुडू शकतात. तेव्हा अशा SMS पासून सावध राहावे जरी आपल्याला एखाद्या कंपनीत गुंतवणूक करावी असे वाटले तरी फक्त अशा SMS वर अवलंबून न राहता त्या कंपनीचा फंडामेंटल आणी तांत्रिक अभ्यास करूनच योग्य वाटेल अशी आणी आपल्याला परवडेल अशी गुंतवणूक करा. SEBI आणी TRAI या बाबतीत योग्य ती कारवाई करतीलच. पण आपण सावध राहावे हेच खरे.

तसेच NSE च्या इन्स्पेक्शन टीमने असे कळवले आहे की आपल्याला ब्रोकरकडून येणारे पैसे किंवा आपण घेतलेले शेअर्स ब्रोकरकडे फार काळ ठेवू नका. पैसे मागून घ्या आणी शेअर्स DEMATला पाठवायला सांगा. ठराविक कालावधीत सेटलमेंट करा.

तसेच जर ब्रोकरला आपण PA दिली असेल आणी जर तुमचा DEMAT अकौंट ब्रोकरकडेच असेल तर आपण दर महिन्याचे आपल्या DEMAT अकौंटचे विवरण मिळवून त्याच्या सत्यतेची आणी सर्व व्यवहार बरोबर आहेत हे बघणे अत्यावश्यक आहे. आयकर खात्याने ४०० DEMAT खातेधारकांना आपण केलेल्या लक्षावधी रुपयांच्या शेअर्सव्यवहारात मिळवलेल्या प्रॉफीटवर आयकर भरा असे सांगितले. यापैकी बहुसंख्य DEMAT खातेधारकांनी आपण आपल्या DEMAT अकौंटवर एवढ्या रकमेचे व्यवहार केलेच नाहीत असे सांगितले. तेव्हा सावध रहा. योग्यवेळी वेळोवेळी घेतलेली खबरदारी आपल्याला भविष्यातील नुकसान आणी धोक्यापासून दूर ठेवू शकते. अशा वेळेला मला माहीत नव्हते, ब्रोकरकडे स्टेटमेंट कसे मागायचे? ब्रोकरवर अविश्वास कसा दाखवायचा हे सर्व बचाव उपयोगी पडत नाहीत. व्यवहार आणी माणुसकी या आपापल्या जागी ठेवा.

मंत्रिमंडळात होऊ घातलेले बदल, विशेषतः सरंक्षण आणी रेल्वे या खाजगी क्षेत्रासाठी ओपन होत असलेली  मंत्रालये  कोणाच्या ताब्यात सोपवली जातील या विषयी मार्केटमध्ये उत्सुकता आहे. २०१९ च्या सार्वत्रिक निवडणुका डोळ्यांसमोर ठेवून मंत्रिमंडळात फेरबदल केले जातील आपण मात्र आपला फायदा होऊ शकेल अशा शेअर्सवर नजर ठेवणे सोयीस्कर. हरघडी हर सेकंदाला होणाऱ्या बदलाचे, नाविन्याचे स्वागत करायला शेअर मार्केट नेहेमीच सज्ज  असते. प्रत्येक घटनेचा अन्वयार्थ लावून ती घटना आपल्याला फायदेशीर कशी ठरेल आणी जर त्या घटनेपासून तोटा होणार असेल तर त्यापासून सुटका कशी करून घ्यावी हेच शेअर मार्केटमधील कौशल्य. म्हणजेच ज्या बाजूने पाउस येत असेल त्या बाजूला छत्री धरायची पण त्याच बरोबर वाऱ्याने आपली छत्री उडून जाणार नाही याची काळजी घ्यायची हेच योग्य.

BSE निर्देशांक सेन्सेक्स ३१८९२ आणी NSE निर्देशांक ९९७४ आणी बँक निफ्टी २४४३४ वर बंद झाले.

 

आठवड्याचे-समालोचन – ज्ञानाचा श्री गणेशा फायदेशीर गुंतवणूक – २१ ऑगस्ट २०१७ ते २४ ऑगस्ट २०१७

आधीच्या आठवड्याचं समालोचन वाचण्यासाठी इथे क्लिक करा

ज्ञानाचा श्री गणेशा फायदेशीर गुंतवणूक – २१ ऑगस्ट २०१७ ते २४ ऑगस्ट २०१७

गेल्या आठवड्याच्या शेवटी म्हणजेच शुक्रवारी इन्फोसिसचे CEO विशाल सिक्काच्या राजीनाम्यामुळे जे वादळ आले त्या वादळानंतरच्या भयाण शांततेत सोमवार उगवला. शनिवारच्या इन्फोसिसच्या बोर्ड ऑफ डायरेक्टर्सच्या बैठकीत शेअर ‘BUY BACK’चा जो निर्णय झाला तो गुंतवणूकदारांना फारसा पटला नाही. तसेच २०० कंपन्या डीलिस्ट करण्यासाठी सेबीने काढलेली ऑर्डर, त्यातून हा आठवडा लहान, गणेशचतुर्थीची सुट्टी त्यामुळे लॉन्ग WEEK एंड मिळाला, बाप्पाचे स्वागत करण्यात सगळे व्यस्त त्यामुळे संमिश्र वातावरणात आठवडा संपला.

आंतरराष्ट्रीय घडामोडी

  • शुक्रवारी सर्व सेन्ट्रल बँकांची JACKSON HOLE येथे परिषद आहे. त्याकडे सर्व गुंतवणूकदार आणी ट्रेडर्सचे लक्ष लागले आहे. या परिषदेत ‘क्वांटीटेटीव इझिंग’ कमी करण्यावर विचार होईल.
  • USA मध्ये ‘बिझिनेस फ्रेंडली’ TAX रीफार्म्स लवकर येतील यावर तेजीने काम चालू आहे असे USA चे अध्यक्ष ट्रम्प यांनी सांगितले त्यामुळे USA मधील शेअरमार्केटमध्ये तेजी आली.
  • केनयात चहाच्या पिकाचे जबर नुकसान झाल्यामुळे भारतीय चहाच्या निर्यातीत वाढ होण्याची आणी किंमत सुधारण्याची शक्यता आहे.

सरकारी अन्नौंसमेंट

  • मंत्रिमंडळाने बँक मर्जरला तत्वतः मान्यता दिली. वेगवेगळ्या बँकांचे मर्जर ग्रूप ऑफ मिनिस्टर मंजूर करतील. एकाच कार्यक्षेत्रात कार्यरत असणाऱ्या बँकांचे मर्जर होईल. हा कायदा स्टेट बँक ऑफ इंडिया आणी IDBI यांना सोडून सार्वजनिक क्षेत्रातील सरकारी बँकांना लागू होईल. या मर्जरसाठी ASSET ची गुणवत्ता, कॅपिटल ADEQUACY, आणी प्रॉफीटेबिलीटी हे निकष लावले जातील. या मर्जरसाठी बँकांच्या बोर्ड ऑफ डायरेक्टर्सची मंजुरी लागेल.
  • मंत्रिमंडळात आणी विविध मंत्रालयांच्या कार्यक्षेत्रात बदल केले जातील. रेल्वे मंत्रालय आणी एअरपोर्ट मंत्रालय एकत्र केले जाईल. जसे शिपिंग आणी रोड विभाग एकाच मंत्रालयाचा भाग केले आहेत. या शक्यतेमुळे रेल्वेचे शेअर्स चालत आहेत.

RBI SEBI आणी इतर प्रशासनिक संस्था

  • श्रीराम ईपीसी या कंपनीच्या संबंधात NCLTने INSOLVENCY ला मंजुरी दिली.
  • जे पी इंफ्राच्या INSOLVENCY संबंधात FLAT ग्राहकांचे अपील सुप्रीम कोर्टाने दाखल करून घेतले.
  • सुप्रीम कोर्टाने एकमताने निर्णय दिला की निजता (PRIVACY) हा घटनेच्या कलम नंबर २१ च्या अंतर्गत महत्वाचा मुलभूत अधिकार आहे. कोणावरही त्याची वैयक्तिक माहिती देण्यासाठी सक्ती होऊ शकत नाही, पण जर एखादा स्वेच्छेने आपली वैयक्तिक माहिती देण्यास तयार असेल तर तो ही माहिती दुसऱ्याला देऊ शकतो. पण सरकार राष्ट्रीय सुरक्षा आणी दुर्मिळ राष्ट्रीय संपत्ती अन्नधान्य आणी इतर अत्यावश्यक गोष्टीसाठी वैयक्तिक माहिती मागवू शकते. याचा परिणाम आधार कार्ड, वेगवेगळ्या अर्जात विचारली जाणारी वैयक्तिक माहिती याच्यावर होऊ शकतो.
  • BSE ने निर्देशांक आणी STOCK ऑप्शन CONTRACTसाठी काही ‘IN THE MONEY’CONTRACTS वर एकस्पायरीच्या दिवशी ‘DO NOT EXERCISE’ म्हणून FACILITY दिली आहे. ही FACILITY संध्याकाळी 4-30 ते 5 या वेळेत वापरायची आहे. वर्तमान परिस्थितीत IN THE MONEY CONTRACTS मधील सर्व ओपन लॉंग पोझिशन AUTOMATICALLY EXERCISE होतात आणी त्याची कॅश सेटलमेंट होते. यात जर फायदा कमी असेल तर त्यामुळे एकूण व्यवहारात नुकसान होते.

अर्थव्यवस्थेच्या गोष्टी

  • पाउस ६% कमी पडल्यामुळे याचा परिणाम तांदूळ कापूस आणी डाळींच्या पिकावर होईल. आणी पर्यायाने या क्षेत्रात बिझिनेस करणाऱ्या कंपन्यांवर होईल.

खाजगी कंपन्यांच्या घडामोडी

  • पारादीप रीफायनरीसाठी सरकारकडून दरवर्षी IOC ( INDIAN OIL CORPORATION) ला Rs ७०० कोटी (VGF) मिळतील. ओडिशा सरकार १५ वर्षापर्यंत व्याज न देता कर्ज देणार आहे. याशिवाय काही करातही सवलती देणार आहे.
  • विक्रम बक्षीबरोबरचे सर्व संबंध MACDONALD USA ने तोडले आहेत. क्विक सर्व्हिस RESTARAUNT या नावाने इस्ट आणी नॉर्थ मध्ये ही सेवा पुरवत होते. MACDONALD ही सेवा आता वेस्टलाईफ इन्व्हेस्टमेंटकडून घेईल. त्यामुळे वेस्ट लाईफ या कंपनीला फायदा होईल वेस्ट लाईफ हा शेअर रिव्हर्स मर्जर झाल्यानंतर BSE वर लिस्ट झाला. हा शेअर पाहिजे तेवढा लिक्विड नाही.
  • SBI त्याच्या गोल्डलोनसाठीच्या प्रोसेसिंग चार्जेसमध्ये ५०% सुट देणार आहे.
  • ल्यूपिनच्या औरंगाबाद युनिटसाठी USFDA कडून क्लीन चीट मिळाली.
  • HCL इन्फो ही कंपनी भारतात APPLEची प्रोडक्ट्स विकेल.
  • ”विलमार शुगर’ या कंपनीने रेणुका शुगर ही कंपनी विकत घेण्याची इच्छा व्यक्त केली.
  • टाटा पॉवर या कंपनीने पहिले इलेक्ट्रिक व्हेईकल चार्जिंग स्टेशन सुरु केले.
  • बजाज ऑटोने सिटी १०० चे इलेक्ट्रिक व्हेरीयंट मार्केटमध्ये Rs ३९००० ला आणले.
  • अलेम्बिक फार्माने आपले हिमाचल प्रदेशातील बद्दी येथे असलेले युनिट विकले.
  • आजपर्यंत कसिनो पाण्यावर चालत होते. ते जमिनीवर चालवावेत असा प्रस्ताव आहे. सिक्कीमला एअरपोर्ट झाला की कसिनोच्या व्यवसायाला गती मिळेल. यामुळे डेल्टाकॉर्पच्या शेअरला गती मिळाली.
  • ऑईल मार्केटिंग कंपन्या पेट्रोल, डीझेल मध्ये मिसळण्यासाठी Rs ३९ प्रती लिटर या भावाने इथनॉल खरेदी करतात. इथनॉलच्या किंमतीत Rs २ ची वाढ करण्याची मागणी होत आहे. यामुळे राजश्री शुगर उगार शुगर आणी प्राज इंडस्ट्रीज यांचा विचार करावा.
  • PFIZER या कंपनीने न्युमोनियावर औषध तयार केले. ह्या औषधाला भारतात मंजुरी मिळाली. सन २०२६ पर्यंत दुसरी कोणतीही कंपनी हे औषध बनवू शकणार नाही.
  • एरिस लाईफसायन्सेसची FII मर्यादा २४% वरून ४९% केली.
  • नोव्हारटीसने हिवतापावर औषध तयार केले आहे. या बाबतीत फक्त १% काम बाकी आहे.

कॉर्पोरेट एक्शन

  • इन्फोसिस या IT क्षेत्रातील दिग्गज कंपनीने आपल्या ३६ वर्षांच्या इतिहासात प्रथमच शेअर्स ‘BUY BACK’ ची घोषणा केली. इन्फोसिस या ‘BUY BACK’ वर प्रती शेअर Rs ११५० याप्रमाणे १३००० कोटी खर्च करेल. ही ‘BUY BACK’ ची किंमत मार्केटमधील शेअरच्या शुक्रवार १८ ऑगस्ट २०१७ क्लोजिंग किमतीवर २४.५ % आहे. गुंतवणूकदाराना मात्र हे मान्य नाही. कारण कंपनीच्या CEO विशाल सिक्का यांनी राजीनामा दिल्यामुळे शेअर ९% पडला. या पडलेल्या किमतीवर हा २४.५% प्रीमियम आहे. अन्यथा इन्फोसिसची किंमत Rs १००० च्या जवळपास होती. टी सी एस ने १४%, विप्रोने २४% तर HCL TECH ने १६ % प्रीमियमवर शेअर्स ‘BUY BACK’ केले. या कंपन्यांनी दिलेला प्रीमियम हा मार्केट मध्ये या कंपन्यांच्या शेअर्सची नियमित खरेदीविक्रीच्या किमतीवर आधारीत आहे. म्हणजे इफेक्टिव प्रीमियम सुमारे १५% झाला.USA मध्ये इन्फोसिसवर ३ क्लास एक्शन सूट दाखल करण्यात आल्या आहेत. इन्फोसिसचे प्रमोटर संस्थापक आणी २००२ ते २००७ या कालावधीत CEO म्हणून यशस्वी झालेले नंदन निलेकणी पुन्हा इन्फोसिसमध्ये येणार या बातमीमुळे शेअर मार्केटमधील गुंतवणूकदार, ट्रेडर्स यांच्यात आशेचे वातावरण निर्माण झाले आणी ते शेअर्सच्या वाढलेल्या किमतीत परावर्तीत झाले. तसेच दोन महिला डायरेक्टर्स सोडून बाकी सर्व डायरेक्टर्सनी राजीनामे देऊ केले आहेत. याचा अर्थ नंदन निलेकणींच्या वापसीचा मार्ग प्रशस्त झाला आहे. रिटेल इन्व्हेस्टर्सचे ६० % शेअर्स ‘BUY BACK’ मध्ये स्वीकारले जातील असा अंदाज आहे. एल आय सी कडे इन्फोसिसचे ७.३% शेअर्स आहेत यापैकी किती शेअर्स ‘BUY BACK’ मध्ये द्यावेत या बाबतीत त्यांनी IRDA आणी नंतर अर्थमंत्रालयाशी चर्चा केली.
  • इंडियन हॉटेल्स राईट्स इशूद्वारे Rs १००० कोटी उभारणार आहे.
  • IDEA आणी व्होडाफोन यांच्या मर्जरसाठी DOT ला अर्ज दिला. या कंपन्यांकडे असलेले १६ सर्कलमधील अतिरिक्त स्पेक्ट्रम त्यांना एक वर्षाच्या आत DOT ला परत करावे लागेल.
  • कॅडिला हेल्थकेअरमध्ये टॉरट फार्माचे मर्जर होण्याची शक्यता आहे.
  • ONGCच्या बोर्ड ऑफ डायरेक्टर्सनी HPCL मधील सरकारचा ५१.११ हिस्सा विकत घ्यायला तत्वतः मंजुरी दिली.

नजीकच्या काळात येणारे IPO

  • रिलायंस कॅपिटल AMC बिझिनेस साठी IPO आणणार आहे.
  • HDFC लाईफने IPO साठी IRDA कडे परवानगीसाठी अर्ज केला आहे तसेच सेबीकडे DRHP दाखल केले आहे.
  • APPEX FROZAN फूड्स या कंपनीचा IPO २१ ऑगस्ट ते २४ ऑगस्ट २०१७ पर्यंत ओपन होता. याचा प्राईस BAND Rs १७१ ते Rs १७५ असून मिनिमम लोट ८० शेअर्सचा होता. ही कंपनी ‘झिंगा’ मच्छीचे उत्पादन आणी प्रोसेसिंग करून USA आणी UK ला निर्यात करते. ह्या कंपनीचा IPO ६ वेळा ओव्हरसबस्क्राईब झाला.
  • SREI इन्फ्रा ही कंपनी आपली सबसिडीअरी भारत रोड नेटवर्कचा IPO ६ सप्टेंबर २०१७ ते ८ सप्टेंबर २०१७ या काळात आणत आहे.
  • SANCO इंडस्ट्री’च्या शेअर्समध्ये NSE वर पुन्हा ट्रेडिंग सुरु झाले.
  • MTNL आपली मुंबई आणी दिल्ली येथील मालमत्ता विकणार आहे.
  • DHFL ही हौसिंग फायनान्स क्षेत्रातील कंपनी आपली BKC मधील मालमत्ता Rs ७०० ते Rs ७५० कोटींना विकणार आहे.
  • दिलीप बिल्डकॉन ही कंपनी श्री इन्फ्रा आणी AION कॅपिटल यांचे ASSETS खरेदी करणार आहे.

मार्केटने काय शिकवले

इन्फोसिसचे काय करावे? हा प्रश्न मला वारंवार विचारला जातो. ज्यांनी अहुनाही शेअर्स विकत घेतलेले नाहीत त्यांनी घ्यावेत. कारण रिटेल (ज्यांची गुंतवणूक Rs २,००,००० पेक्षा कमी आहे) गुंतवणूकदारांसाठी ACCEPTANCE रेशियो ६०% च्या आसपास पडेल. सध्याचा भाव Rs ८७० ते Rs ९१० या रेंज मध्ये आहे. साधारण Rs २५० ते Rs ३०० फायदा मिळू शकतो. जर ‘BUY BACK’ मध्ये शेअर्स दिले तर ६०% म्हणजे १०० शेअर्सपैकी ६० शेअर्स ‘BUY BACK’ प्रती शेअर Rs ११५० या भावाने घेतील. ४० शेअर्स उरतील. हे शेअर्स सुमारे Rs २५० ते Rs ३०० स्वस्त पडले असे समजावे. राजीनाम्यामुळे उठलेले वादळ शमले की शेअर पुन्हा वाढेल. गेल्या दोन दिवसात शेअर Rs ८७० वरून ९१४ पर्यंत पोहोचला. जवळचे शेअर्स घाबरून जाऊन विकून टाकू नका. ‘BUY BACK’ मध्ये अवश्य द्या. गुरुवार २४/०८/ २०१७ रोजी नंदन निलेकणी यांनी नॉन एक्झिक्युटिव्ह, नॉनइंडिपेंडंट चेअरमन म्हणून इन्फोसिसचा चार्ज घेतला. शेषशायी आणी दोन युरोपिअन डायरेक्टर्सनी राजीनामा दिला. अशाप्रकारे सर्व गुंतवणूकदार, ट्रेडर्स यांनी बांधलेली अटकळ पुरी झाली. सुरक्षित आणी यशस्वी हातात इन्फोसिसची सूत्रे गेली शेअर मार्केटमधील सर्व घटक कंपनीच्या भावी कामगिरीविषयी आश्वस्त झाले. त्यामुळे आता इन्फोसिसचा शेअर पडणे थांबायला हरकत नाही.

काही काही वेळेला एखाद्या मोठ्या आणी प्रसिद्ध गुंतवणूकदाराने एखाद्या कंपनीत गुंतवणूक केली, किंवा ठराविक डायरेक्टर्सचे नाव बोर्ड ऑफ डायरेक्टर्समध्ये पाहून कंपनी चांगली आहे असा तर्क करून किरकोळ गुंतवणूकदार शेअर्स खरेदी करतात. नेहेमी लोक जवळच्या, सोप्या मार्गाने जाण्याचा प्रयत्न करतात. पण हा रस्ता निसरडा किंवा धोक्यांनी भरलेला आहे का? ते पहावे.

IDBI आपले नॉन कोअर ASSET विकणार आहे. SIDBI आणी CCIL मधील आपला स्टेक विकणार आहे.अशा बातमीकडे बघण्याचा दृष्टीकोन २ प्रकारचा असू शकतो. (१) ज्या वेळी तुमचा मुख्य व्यवसाय जोरात चालू आहे आणी तुम्हाला बाकीच्या छोट्या उद्योगांकडे लक्ष द्यावयास वेळ मिळत नाही. (२) जेव्हा मुख्य व्यवसायाची परिस्थिती इतकी बिकट झाली की कितीही ठिगळे लावून उपयोगी नाही नाईलाजाने हे asset विकावे लागत आहेत. IDBI चा मुख्य व्यवसाय अडचणीत आहे. म्हणून IDBI आपले नॉनकोअर ASSET विकत आहेत.  याविरुद्ध CG पॉवर चा मुख्य बिझिनेस चांगला चालू आहे. ते आपले नॉनकोअर बिझिनेस विकून कर्ज कमी करत आहेत. जे व्यवसाय तोट्यात चालू आहेत ते विकत आहेत आणी जे व्यवसाय तोट्यातून फायद्यात येत आहेत ते व्यवसाय न विकता त्यात सुधारणा करत आहेत. हा दृष्टीकोण चांगला आहे. काही काही डील अशी असतात ज्यांचा प्रत्यक्ष परिणाम दिसत नाही पण अशी डील उलगडून पहावी लागतात.

ROS NEFT आणी एस्सार ओईल यांच्यात जे डील झाले त्याचा अभ्यास करावा. एस्सार ऑईलने त्यांचे वाडीनार पोर्ट ROSNEFT या रशियन कंपनीला US $ १२९० कोटीना विकले. या रशियन कंपनीची ही भारतातील सर्वात मोठी FDI असेल. एस्सार ओईल भारतीय बँकांचे Rs ४००० कोटींचे कर्ज फेडेल. यात १८ बँकांच्या कर्जाची परतफेड होईल यात प्रामुख्याने ICICI बँक, येस बँक, स्टेट बँक ऑफ इंडिया, आणी IDBI यांचा समावेश आहे.एस्सार ओईल आपल्या शेअर होल्डर्स ना Rs ७५.४८ प्रती शेअर जास्त रक्कम देणार आहे.एस्सार ग्रुपचे कर्ज 50% ने कमी होईल.

प्रत्येक माणूस आपल्या चुकांमधून शिकतो. हेच सरकारी प्रशासनिक संस्थांच्या बाबतीत लागू होते. SEBI च्या शेल कंपन्यांच्या बाबतीत काढलेल्या ऑर्डरमुळे बराच गोंधळ झाला. तेव्हा या यादीतील कंपन्यांची अशी तक्रार होती की त्यांना त्यांची बाजू मांडण्याची संधी मिळाली नाही. तसेच या कम्पन्यातील शेअरहोल्डर्सना तसेच गुंतवणूकदारांना त्यांचे शेअर्स विकण्याची संधी मिळाली नाही. यावेळी SEBI ने २०० कंपन्या डीलीस्ट केल्या जातील अशी ऑर्डर काढली. पण आधी या कंपन्यांचे ऑडीट केले जाईल, त्यांची VALUE काढली जाईल आणी किरकोळ गुंतवणूकदारांचे शेअर्स कंपन्यांनी विकत घेतले पाहिजेत असे सांगितले जाईल. या यादीतील ११७ कंपन्यांच्या प्रमोटर्सना १० वर्षांकरता ‘BAN’ केले आहे. म्हणावे लागेल ‘देर आहे  दुरुस्त आहे’ असे सेबीच्या बाबतीत म्हणावे लागेल.

सध्या सरळसोट तेजी किंवा मंदी होत नाही. दोन्ही बाजूला ट्रेड करता येणे शक्य आहे. पण थोडक्यात ट्रेड करून मिळेल तेवढा फायदा घेवून बाहेर पडावे. यालाच तांत्रिक भाषेत ‘ SMALL BODIED CANDLE’ म्हणतात. बुल्स किंवा बेअर्स यापैकी कोणीही मार्केटवरची पकड सोडायला तयार नाहीत. त्यामुळे गुरुवारी मार्केट निर्देशांक निफ्टी अवघ्या ३३ पाईंटच्या रेंज मध्ये फिरत होते. कोणालाही अनावश्यक धोका पत्करायचा नव्हता. FED ची चेअरमन JENET येलेनच्या भाषणाकडे सर्वांचे लक्ष असेल. बघू या काय वाढून ठेवले आहे.

BSE निर्देशांक सेन्सेक्स ३१५९६ वर आणी NSE निर्देशांक निफ्टी ९८५७ वर बंद झाले

 

आठवड्याचे-समालोचन – मार्केटचा एकच मंत्र, टिपांपासून स्वातंत्र्य – १४ ऑगस्ट २०१७ ते १८ ऑगस्ट २०१७

आधीच्या आठवड्याचं समालोचन वाचण्यासाठी इथे क्लिक करा

मार्केटचा एकच मंत्र, टिपांपासून स्वातंत्र्य – १४ ऑगस्ट २०१७ ते १८ ऑगस्ट २०१७

१५ ऑगस्ट २०१७ हा भारताचा ७१ वा स्वातंत्रदिन. पण हा स्वातंत्र्यदिन म्हणजे काय तर आपल्यावर राज्य करत असणार्या परकीय लोकांना घालवून देऊन आपली सत्ता आली तो दिवस. शेअरमार्केटचा विचार केल्यास मला असे आढळते की ट्रेडर्स किंवा गुंतवणूकदार अजूनही परावलंबी आहेत. त्यांच्या निर्णयावर दुसऱ्यांची सत्ता आहे. ‘डोळे असून आंधळे बुद्धी असून मतीमंद’ अशी अवस्था आहे.गुंतवणूकदार अजूनही टिपावर अवलंबून आहेत.  ‘तुम्ही टिपा देता का ? कोणते शेअर्स घेऊ ते सांगता का ?’ अशी विचारणा अजूनही होते. या सर्वापासून काही अजूनही स्वातंत्र्य मिळवले नाही. सेबीच्या ही हे लक्षात आल्यामुळे आता त्यांनी शेअरमार्केट मधील गुंतवणुकीविषयी कोण टिप्स देऊ शकेल यावर कडक बंधने आणली आहेत. या स्वातंत्र्यदिनापासून आपण टिपांपासून स्वातंत्र्य मिळवू या. शेअरमार्केटविषयीचे अज्ञान दूर करून ज्ञानाची ज्योत पेटवून ती अखंड तेवत ठेवू या.  या ज्ञानाचा प्रकाश महाराष्ट्रभर कसा पसरेल यासाठी प्रयत्न करु या.

सरकारी अन्नौंसमेंट

  • युरियाच्या संबंधात नवीन धोरण जाहीर होणार आहे. युरिया एका गोणीत पूर्वी ५० किलो असे. आता युरिया एका गोणीत ४५ किलो असेल. त्यामुळे कमी युरिया वापरला जाईल. या ठिकाणी शेतकऱ्यांची मानसिकता विचारात घेतली आहे का सबसिडीचे राजकारण अधिक आहे कळत नाही. एका एकरला इतका गोणी युरिया असा शेतकर्याचा हिशेब असतो. एका गोणीत किती युरिया आहे याकडे त्याचे लक्ष नसते असे सरकारला वाटले.यामुळे शेतकरी युरियाचा वापर कमी करतील असे सरकारला वाटते. पूर्वी युरियाच्या ५० किलोच्या गोणीला Rs २६८ द्यावे लागत होते. आता ४५ किलोच्या गोणीला Rs २४२ पडतील. सरकारला सबसिडी कमी द्यावी लागेल असे वाटते.ही बातमी गाजली गाजली आणी हवेतच विरली
  • सरकार दक्षिण कोरियातून होणार्या सोन्याच्या आयातीवर ड्युटी लावण्याच्या विचारात आहे.
  • सरकार हिमाचल प्रदेशमध्ये २० पॉवर स्टेशन लावणार आहे.
  • सरकारने मेट्रो पॉलिसी मंजूर केली.
  • हिमाचल प्रदेश, उत्तराखंड या प्रदेशातील काही पहाडी भागांमध्ये युनियन एक्साईजमध्ये १० वर्षापर्यंत सवलत मिळत होती.पण आता या भागात GST लागू झाला आहे. GST च्या सनसेट कलमाप्रमाणे DBT योजनेखाली GST रीएम्बर्स करण्याची तरतूद आहे. सरकारने हे कलम आता ३१ मार्च २०२७ पर्यंत वाढवले आहे. सरकार या भागातील कंपन्यांना या कलमांतर्गत GST रीइंबर्स करेल
  • JP INFRASTRUCTURE आणी आम्रपाली या प्रोजेक्टमधील FLAT ग्राहकांना सरकार मदत करणार आहे. या कंपन्यांचे ASSET विकून आलेल्या पैशात या प्रोजेक्ट्स पुर्या करून ग्राहकांच्या ताब्यात दिल्या जातील. याबाबत सरकार MCA ( MINISTRY OF CORPORET AFFAIRS) बरोबरही चर्चा करेल.सरकारने सांगितल्याप्रमाणे JP इन्फ्राटेक या काम्पान्च्या प्रोजेक्ट NBCC टेक ओव्हर करूनं पूर्ण करेल.
  • कोटिंग करण्यासाठी जे चीनी केमिकल लागते त्यावरची antidumping ड्युटीची मुदत ५ वर्षासाठी वाढवली. याचा फायदा गुजराथ फ्लोरो आणी हॉकिन्स यांना होईल.
  • सरकारने पूर्वी ‘stent’ च्या किमती कमी केल्या. आता गुडघ्यावरील शस्त्रक्रियेसाठी कमाल चार्जेसची मर्यादा घातली. याचा परिणाम अपोलो हॉस्पिटल्स, फोर्टिस हेल्थकेअर, या कंपन्यांवर होईल.
  • जयललीता यांच्या निधनाची पूर्णपणे चौकशी झाली पाहिजे असे फर्मान सरकारने काढले. याचा परिणाम अपोलो हॉस्पिटल्सवर होईल.
  • सरकारच्या आर्थिक सल्लागारांनी असे सांगितले की रिन्यूएबल एनर्जी क्षेत्रातील बहुसंख्य कंपन्या सबसिडीच्या आधारावर चालू आहेत आणी कोलबेस्ड पॉवर प्रोजेक्ट खराब स्थितीत आहेत. याचा परिणाम कोल इंडियावर होत आहे. यामुळे कोल इंडियाच्या शेअरची किंमत वाढली तर रिन्यूएबल एनर्जीच्या कंपन्यांचे शेअर्स आपटले.
  • सरकारने राज्य सरकारांना उत्पादनात उपयोगी येणाऱ्या वस्तू तसेच पेट्रोलियम प्रोडक्टवर VAT कमी करायला सांगितला आहे.
  • सरकारने ANTI SMOKING कायद्याचा भंग केल्याबद्दल ITC आणी फिलीप मॉरीस या कंपन्याना दंड लावला.
  • सरकारने २२ कॅरेट किंवा त्याच्यापेक्षा जास्त कॅरेट सोन्याच्या दागिन्यांच्या किंवा इतर प्रोडक्टच्या निर्यातीवर बंदी घातली.

RBI, SEBI आणी इतर प्रशासनिक संस्था

  • SAT ने पार्श्वनाथ डेव्हलपर्स, पिनकॉन स्पिरीट, सिग्नेट इंडस्ट्रीज, कवित इंडस्ट्रीज, Kalpana इंडस्ट्रीज आणी SQS इंडिया BFSL या कंपन्याना RESTRICTIVE ट्रेडिंग लिस्ट मधून बाहेर काढले. परंतु SEBI आणी STOCK EXCHANGE यांनी सुरु केली कारवाई सुरूच राहील असे सांगितले.
  • SEBI ने ब्रोकर्सना त्यांच्याकडे लिस्ट असलेल्या १०७ अनलिस्टेड कंपन्यांविषयी माहिती मागवली आहे.
  • सुप्रीम कोर्टाने सरकारचा अर्ज रद्द केल्यामुळे DIAL(DELHI INTERNATIONAL AIRPORT LTD) ने केस जिंकली. या निर्णयामुळे DIAL आता दिल्ली विमानतळाच्या जमिनीचा काही भाग कमर्शियल वापरासाठी देऊ शकेल. GMR इंफ्राचा DIAL मध्ये ५४% स्टेक आहे. त्यामुळे य़ा शेअरची किंमत वाढली.
  • ब्रूक्स LAB या कंपनीच्या IPO मध्ये ‘MONEY SIPHONING’ केल्याबद्दल २२ कंपन्यांवर Rs १७.६ कोटींचा दंड लावला.
  • सुप्राजीत आणी फिनिक्स LAMP यांच्या मर्जरला NCLT ने मंजुरी दिली.

अर्थव्यवस्थेच्या गोष्टी

  • WPI (WHOLESALE PRICE INDEX) जुलै महिन्यात वाढून ०.९०% वरून १.८८% झाले. मुख्यतः अन्नधान्य आणी इतर जरुरीच्या वस्तूंच्या किमती वाढल्यामुळे ही वाढ झाली
  • CPI (CONSUMER PRICE INDEX) जुलै महिन्यात २.३६ % ( जूनमध्ये १.४६%) झाले या वाढलेल्या महागाईमुळे RBI नजीकच्या काळात रेट कट करील ही आशा मावळली
  • जुलै २०१७ या महिन्यासाठी भारताची निर्यात ३.९४% ने वाढून US$ २२,५ बिलियन झाली. निर्यात वाढीचा वेग मात्र ८ महिन्यांच्या किमान स्तरावर होता. सतत मजबूत होणारा रुपया  आणी GST लागू करणे ही कारणे  यापाठीमागे असू शकतील. भारताची आयात १५.४% ने वाढून US $ ३३.९ बिलियन झाली. यामुळे भारताची ट्रेड GAP US $ ११.४ बिलीयन झाली सोन्याची आयात जून मध्ये US $ २.१ बिलियन झाली.

खाजगी कंपन्यांच्या घडामोडी

  • कॉर्पोरेट जगतात इन्फोसिसचे MD आणी CEO Mr विशाल सिक्का यांनी राजीनामा दिल्यामुळे खळबळ माजली. गुरुवारी सावरलेले मार्केट पुन्हा शुक्रवारी कोसळले .त्यानी त्यांच्या पत्रात प्रमोटर्स बरोबरचे मतभेद, व्यवस्थापनाबरोबर मतभेद, त्यांच्यावर केलेले निराधार आणी खोटे ठरलेले आरोप, त्यांच्या चांगल्या कामाची दखल न घेतली जाणे इत्यादी कारणे दिली तसेच त्यांच्या ३ वर्षाच्या कालखंडात किती प्रगती झाली याचा आढावा दिला. इन्फोसिसचे अंतरींम CEO आणी MD म्हणून UB प्रवीण राव याचे नाव जाहीर केले. विशाल सिक्का VICE चेअरमन म्हणून मार्च २०१८ पर्यंत कंपनीत राहतील. याचा परिणाम इन्फोसिसच्या शेअरवर होऊन शेअर १२% पडला. यावेळी पानिपतच्या युद्धाची आठवण होते. पुण्यात सदरेवर बसणाऱ्यांनी सेनापतीवर किती आणी कशी टीका करावी आणी त्यांना युद्ध कसे करायचे हे किती मर्यादेपर्यंत जाऊन शिकवावे याचे भान ठेवले पाहिजे हेच खरे.
  • साखर उद्योगाचा विचार केल्यास रेणुका शुगरचा तिमाही निकाल असमाधानकारक होता. UPमध्ये असलेल्या साखर कारखान्यांचे तिमाही निकाल चांगले आले.त्यांची inventory खूप आहे. अवध शुगर आणी अपर ganjees या साखर कारखान्याचे तिमाही निकाल restructuring झाल्यानंतरचे होते. सरकारने कितीही प्रयत्न केला तरी साखरेच्या भावात सणासुदीच्या दिवसात फारसा फरक पडेल असे वाटत नाही.
  • टाटा ग्लोबल बिव्हरेजीस हिमालयन MINERAL WATER साठी USA मध्ये मार्केटिंग आणी डीस्ट्रीब्युशनसाठी करार करणार आहे.
  • ग्रन्युअल्स इंडिया च्या आंध्र प्रदेशातील गागील्लापुर प्लांट साठी USFDA कडून EIR मिळाला. इन्स्पेक्शनमध्ये कोणत्याही त्रुटी आढळल्या नाहीत.
  • RCOM आणी एअरसेल यांच्या मर्जरविषयीची याचिका NCLT ने दाखल करून घेतली. तसेच RCOM चा टॉवर बिझिनेसमधील स्टेक BROOKLYN ला विकण्यासाठीचा अर्ज दाखल करून घेतला. भारती इन्फ्राटेल, GTL, यांनी घेतलेल्या हरकती रद्द ठरवल्या. RCOM ला त्यांच्या कर्ज देणार्या बँकांनी डिसेंबर २०१७ पर्यंत RESTRUCTURING प्लानसाठी वेळ दिला आहे. RCOM वर असलेल्या Rs ४५००० कोटी कर्जापैकी या व्यवहारातून Rs २५००० कोटी कर्ज फेडता येईल.
  • IFCI टूरीजम फायनान्स मधील आपला स्टेक एकाच लॉटमध्ये विकून Rs ३०० कोटी उभारणार आहे.
  • टाटा स्टील्सने आपला UK बिझिनेस पेन्शन स्कीममधून वेगळा काढला आहे. टाटा स्टील्सने आपल्या UKतील कर्मचाऱ्यांसाठी पेन्शन प्लान वेगळा तयार केला आहे. यामुळे टाटा स्टील्सचा UK  बिझीनेस विकण्याला किंवा दुसऱ्या कंपनीत मर्ज करण्याच्या प्रयत्नाला वेग येईल.
  • ग्रासिम, महाराष्ट्र सीमलेस पाईप्स, नौसील या कंपन्यांचे निकाल चांगले आले.
  • SBI, बँक ऑफ बरोडा, कोल इंडिया, IDBI, ड्रेजिंग कॉर्पोरेशन, कॉर्पोरेशन बँक, अपोलो हॉस्पिटल्स,सन फार्मा या कंपन्यांचे तिमाही निकाल असमाधानकारक  होते.
  • DLF आपल्या DLF सायबर सिटी डेव्हलपर्स मधील ४०% स्टेक सिंगापूरच्या GIC या वेल्थ फंडाला Rs १३००० कोटीना विकेल
  • सिंटेक्सचे RESTRUCTURING नंतर दोन विभाग झाले. पहिला टेक्स्टाईल आणी दुसरा प्लास्टीक. सिंटेक्स टेक्स्टाईल ह्या कंपनीचा पॉलीमर टेक्स्टाईलचा बिझिनेस आहे. त्यांनी जी मशीनरी लावली आहे. त्याचे लाईफ १० वर्षे आहे. ती नवीन आहे. त्यामुळे कॅपेक्सची गरज नाही. त्यामुळे सिंटेक्स टेक्स्टाईल हा विभाग चांगला चालतो आहे.
  • L &T आपला कटिंग टूल्सचा बिझिनेस Rs १७३ कोटींना विकणार आहे. L & T च्या दृष्टीकोनातून हा सौदा लहान असला तरी L & T चे मुख्य व्यवसायावर लक्ष केंद्रित करण्याचे धोरण दिसून येते.
  • IDBI आपल्या मुंबईतील ६ मालमत्ता विकणार आहे.
  • AXIS आपल्या शुभ गृह योजनेखाली Rs ३० लाखापेक्षा कमी पण २० वर्षापेक्षा जास्त परतफेडीची मुदत असलेल्या गृह कर्जांवर १२ EMI माफ केले जातील असे सांगितले. बॅंका मोठ्या प्रमाणावर हौसिंग फायनान्स क्षेत्रात प्रवेश करीत आहेत. तसेच वेगवेगळ्या सवलतीच्या योजना जाहीर करत आहेत..याचा परिणाम हौसिंग फायनान्स कंपन्यांच्या बिझिनेस वर होईल. कारण या कंपन्या पब्लिककडून डीपॉझीट घेऊ शकत नाहीत आणी त्यांना पैशासाठी बँकांकडून कर्ज घ्यावे लागते.
  • UBHLच्या शेअर्समध्ये ८ सप्टेंबर २०१७ पासून ट्रेडिंग बंद होईल. प्रमोटर शेअर्स विकू शकणार नाहीत. याचा परिणाम युनायटेड ब्र्युअरीजवर होईल.
  • १५ किलोच्यावर सामान न्यायचे असेल तर एअरइंडियाने Rs ४०० तर स्पाईसजेटने तसेच विस्तारा इंडस्ट्रीजने Rs ३०० चार्ज करायचे ठरवले आहे. पूर्वी हे चार्ज Rs १५० होते.
  • चंबळ फरटीलायजरने गहाण ठेवलेले शेअर्स सोडवले.
  • बिहारमध्ये पूर आल्यामुळे तांदुळाच्या पिकाचे नुकसान झाले. पण त्याबरोबरच तांदूळ निर्यात करणाऱ्या कंपन्यांचा तांदुळाचे भाव वाढल्यामुळे फायदा झाला.
  • इंडिगोच्या ८४ फ्लाईट इंजिनात बिघाड असल्यामुळे रद्द कराव्या लागल्या.

कॉर्पोरेट एक्शन

  • AAREY ड्रग्ज या कंपनीने आपल्या एका शेअरचे १० शेअर्समध्ये विभाजन केले.
  • मर्केटर लाईन आपल्या बिझिनेसमधून ड्रेजिंग बिझिनेस वेगळा काढणार आहे.
  • १९ ऑगस्ट २०१७ रोजी इन्फोसिस या कंपनीने शेअर ‘BUY BACK’ वर विचार करण्यासाठी बोर्ड ऑफ डायरेक्टर्सची बैठक बोलावली आहे.
  • SREI INFRASTRUCTURE ही कंपनी SREI इक्विपमेंटचा IPO  आणून आपला २५% स्टेक विकणार आहे.
  • जिंदाल स्टील आणी पॉवर या कंपनीला दिलेल्या Rs ५५५ कोटींच्या कर्जाची मुदत कर्ज देणाऱ्या बँकांनी ५ वर्षे वाढवली.

नजीकच्या भविष्यकाळात येणारे IPO

  • रिलायंस जनरल इन्शुरन्स Rs १५०० ते Rs २००० कोटीचा IPO ऑक्टोबर- नोव्हेंबर २०१७ मध्ये आणण्याची तयारी करत आहे.

मार्केटने काय शिकवले

पुट/कॉल रेशियो १.०९ वरून १.०६ झाला. ज्या गतीने मार्केटमध्ये मंदी आली त्या गतीने पुट/कॉल रेशियो कमी झालेला आढळला नाही कारण ज्या लोकांनी पुट सेल केले होते म्हणजे तेजी केली होती ते लोक पोझिशन कमी करत आहेत. नवीन शॉर्टस त्या प्रमाणात बनताना दिसत नाहीत. त्यामुळे पुट/कॉल रेशियो त्या प्रमाणात पडताना दिसत नाही. पुट/कॉल रेशियो ०,७ किंवा ०,८, VIX १६/१७ अशी पोझिशन आल्यावर मार्केटमध्ये पैसा घालण्यास सुरुवात करणे योग्य होय. जेव्हा आपण मंदीतून तेजीत प्रवेश करणार असतो. त्यावेळी काहीजणांना वाटते मार्केट अजून पडेल तर काहीजणांना वाटते मार्केट आता पुष्कळ पडले आहे आणि आता फारशी मंदी होणार नाही. त्यामुळे मार्केट खूप VOLATILE होते.

ज्यावेळी ‘TRUNCATED WEEK’असतो तेव्हा (अर्थातच मंदीचे मार्केट सुरु असताना) लोक पोझिशन ठेवत नाहीत. कारण सुट्टीवरून आल्यावर काय परिस्थिती असेल हे माहीत नसते.

इन्फोसिसच्या M D नी राजीनामा दिल्याच्या घटनेचा विचार केला तर पेअर ट्रेड कसा करावा याची कल्पना येते. लोक इन्फोसिसचे शेअर्स विकून दुसर्या कुठल्या कंपनीत गुंतवणूक करतील याचा विचार करून HCL टेक, टी सी एस मध्ये खरेदी करून इन्फोसिसचे शेअर्स शॉर्ट केल्यास इंट्राडे ट्रेड होऊ शकतो.

इन्फोसिसच्या घटनेबद्दल माझ्या मनात काय विचार आले ते सांगू ? विशाल सिक्का यांनी राजीनामा शनिवारच्या बोर्ड मीटिंगमध्ये दिला असता किंवा मार्केट बंद झाल्यावर दिला असता तर काय बिघडलं असतं ? निदान पूर्ण मार्केटवर परिणाम झाला नसता. शनिवार रविवार लोकांना विचार करायला वेळ मिळाला असता आणी शेअर विकावा का खरेदी करावा हे शांतपणे ठरवता आले असते. या सर्व भांडणात शेअरहोल्डर्स, ट्रेडर्स, गुंतवणूकदार यांचा काय दोष ? की आपल्या राजीनाम्याचा कंपनीच्या शेअरच्या किंमतीवर आणी पर्यायाने क्रेडीटवर किती परिणाम होतो हे दाखवायचे होते. कुणास ठाऊक ? पण शेवटी नुकसान होते गुंतवणूकदारांचे नेहेमी आपण म्हणतो दोघांचे भांडण तिसऱ्याचा लाभ पण इथे दोघांच्या भांडणात असंख्य लोकांचे नुकसान झाले आणी कंपनीची नाचक्की झाली ती वेगळीच. मार्केटला मात्र पडण्यासाठी आयते कोलीत मिळाले .असो गुंतवणूकदार टाटांची घटना आणी मिस्त्रीला विसरले. टाटा ग्रुपचे सगळे शेअर्स त्यानंतर वाढले. तसेच हि घटना मार्केट विसरेल आणी इन्फोसिसच्या शेअरचा भाव वाढेल अशी आशा करुया.

 

BSE निर्देशांक सेन्सेक्स ३१५२४ वर तर NSE निर्देशांक निफ्टी ९८३७ वर आणी बँक निफ्टी २४०७४ वर बंद झाले

आठवड्याचे-समालोचन – अती परिचयात अवज्ञा – ७ ऑगस्ट २०१७ ते ११ ऑगस्ट २०१७

आधीच्या आठवड्याचं समालोचन वाचण्यासाठी इथे क्लिक करा

अती परिचयात अवज्ञा – ७ ऑगस्ट २०१७ ते ११ ऑगस्ट २०१७

भरती ओहोटी, तेजी मंदी, जय पराजय, गरिबी श्रीमंती, या एकाच नाण्याच्या दोन बाजू आहेत. कोणत्याही गोष्टींचा अतिरेक होतो तेव्हा आपोआपच त्याच्या विरुद्ध दिशेने मार्गक्रमण सुरु होते. फुगा खूप फुगला की अगदी टाचणीनेही फुटून जातो. मार्केट उच्चतम स्तराला आले होते ही सुचना मी तुम्हाला ब्लॉग मधून देतच होते. प्रॉफीट बुकिंग करायला सांगत होते. सेबीची ३३१ कंपन्याना शेल कंपन्या म्हणून जाहीर करणारी ऑर्डर, भारत चीन सीमेवरचा तणाव, USA आणी उत्तर कोरियामधील तणाव, पहिल्या तिमाहीचे अपेक्षेपेक्षा कमकुवत निकाल या सर्वांचा एकत्रित परिणाम होऊन मार्केट पडायला लागले. कोणत्या कारणाचा किती सहभाग आहे ह्याचा काथ्याकूट शेअर मार्केटमधील तज्ञ करत असतात पण आपण सावध राहिले पाहिजे. सतत आपल्या पोर्टफोलिओमधील शेअर्सचा मागोवा घेत राहिले पाहिजे. म्हणजे तोटा होणे अनिवार्य असले तर कमीतकमी तोटा आणी फायदा होत असेल तर  जास्तीजास्त फायदा होतो.

आंतरराष्ट्रीय घडामोडी

  • चीनमध्ये एल्युमिनियमचे उत्पादन जगातील उत्पादनाच्या ५०% होते. हे उत्पादन ३२ लाख टन कमी होण्याची शक्यता आहे. यामुळे एल्युमिनियमची टंचाई निर्माण होईल. याचा फायदा हिंदाल्को, नाल्को यांना होईल.
  • USA आणी उत्तर कोरिया मधील तणाव दिवसेंदिवस गंभीर स्वरूप धारण करीत आहे. गाम येथील USA च्या मिलिटरीच्या तळावर आपण क्षेपणास्त्राने हल्ला करू असे उत्तर कोरियाने जाहीर केले आहे.
  • अबुधाबीला क्रुडऑइलच्या उत्पादकांची बैठक चालू आहे. या वर्षाच्या शेवटच्या तिमाहीत क्रूडचे भाव US$ ५५ ते ५८ असे राहण्याची शक्यता आहे.

सरकारी अन्नौंसमेंट

  • सरकार खाद्य तेलावर इम्पोर्ट ड्युटी बसवण्याच्या विचारात आहे याला कॅबिनेट सचिवांची मंजुरी मिळाली आहे. लवकरच DGFT(डायरेक्टर जनरल ऑफ फॉरीन ट्रेड) याची घोषणा करतील.
  • काही दिवसांनी तुम्हाला पेट्रोल आणी डीझेलची होम डिलिव्हरी मिळू लागेल. कमीतकमी ५ लिटरचा pack असेल. देशभरात २२००० पेट्रोल पंप सुरु केले जातील. स्पर्धा वाढेल आणी ग्राहकांचा वेळ वाचेल. वाहतुकीची कोंडी कमी होईल.
  • सरकार २५% इम्पोर्ट ड्युटी लावून ५ लाख टन साखर आयात करणार आहे. त्यामुळे पुरवठा वाढेल आणी साखरेचे भाव कमी होतील. याचा परिणाम साखर उत्पादन करणाऱ्या कंपन्यांच्या शेअर्सवर निगेटिव्ह होईल.
  • रूफटॉप सोलार एनर्जी संबंधीत गाईडलाईन्समध्ये बदल केला. आता रेटिंग नसतानासुद्धा तुम्ही पार्टनर बनू शकता. बिझिनेस मध्ये अनुभव नसला आणी रेटिंग एजन्सीला देण्यासाठी पैसे नसतील असेही लोक आता या व्यवसायात येऊ शकतील. या पार्टनरला सबसिडीचाही लाभ मिळेल. ही सूट ‘EASE OF DOING BUSINES’ खाली दिली गेली.
  • सरकारी बँकांच्या मर्जरची प्रक्रिया १५ ऑगस्टनंतर सुरु होण्याची शक्यता आहे. सरकार सार्वजनिक क्षेत्रातील सरकारी बँकांची प्रगती बघून एकूण Rs १०००० कोटी भांडवल घालणार आहे.
  • सरकार लवकरच बायो डीझेल पोलिसी जाहीर करेल.
  • सरकारने नमामी गंगे च्या १० प्रोजेक्टसाठी Rs २००० कोटीची तरतूद केली

RBI SEBI आणी इतर प्रशासनिक संस्था

  • TRACTORच्या Parts वरील GST २८% वरून १८% पर्यंत कमी केला. याचा फायदा TIL आणी BOSCH या कंपन्याना होईल.
  • टेक्स्टाईलवरचाही GST कमी केला.
  • GST कौन्सिलने SUV आणी हायब्रीड ऑटोजवर GST १८% वरून २८% पर्यंत वाढवला. तसेच सेस १५% वरून २५% पर्यंत वाढवला. त्यामुळे आता या प्रकारच्या ऑटोजवर २८% GST +२५% सेस या प्रमाणे ५३% कर लागेल.
  • सेबीने आयडीया व्होडाफोन मर्जरला सशर्त मंजुरी दिली. आता या कंपन्या NCLT कडे मंजुरीसाठी अर्ज करतील.
  • प्लायवूड आणी प्लायवूडसंबंधीत गोष्टींवर GST २८% वरून १८% पर्यंत कमी होण्याची शक्यता आहे. याचा फायदा युनिप्लाय, आर्चिडप्लाय, सेंच्युरी प्लायवूड, ग्रीनप्लाय या कंपन्यांना होईल
  • NCLT ने JP इन्फ्राटेक या कंपनीविरुद्ध IBC खाली INSOLVENCY प्रक्रिया सुरु करायला मंजुरी दिली. आता ९ महिन्यांच्या मुदतीत जर कंपनी आपल्या कर्जाची परतफेड करू शकली नाही तर कंपनीच्या ASSETS चा लिलाव करून कर्जफेड केली जाईल. दिल्ली आणी नोइडा या एरियात कंपनीने ३२००० FLAT अर्धवट बांधून ठेवले आहेत. आतातरी या लोकांच्या भरलेल्या पैशांचे काय होणार हे मोठे प्रश्नचिन्ह आहे.
  • आता तुम्हाला मोबाईलवर येणाऱ्या शेअर्समधील गुंतवणुकीविषयीचे SMS सेबी आणी TRAI यांनी नियंत्रित करण्यासाठी नियम केला आहे की सेबीकडे रजिस्टर केलेले लोकच असे मेसेज पाठवू शकतील. या मेसेजना फिल्टर केले जाईल.
  • सेबीने STOCK EXCHANGE वर लिस्टेड असलेल्या सर्व कंपन्याना जर त्यांनी बॅंका किंवा वित्तीय संस्थाकडून घेतलेल्या कर्जावरील व्याजाच्या किंवा कर्जाच्या परतफेडीमध्ये ‘DEFAULT’ केला असला तर १ दिवसाच्या आत ही माहिती STOCK EXCHANGEला देणे अनिवार्य केले आहे. सेबीने ३३१ कंपन्यांना शेल कंपन्या म्हणून घोषित केले ह्यामुळे जे नाटक रंगले त्या विषयी ‘अनुभव हाच गुरु’ ह्या सदराखाली ‘रंगले नाट्य असे ३३१ चे’ या नावाने वेगळा ब्लोग टाकला आहे तो पहावा.

खाजगी कंपन्यांच्या घडामोडी

  • क्लारीस लाईफसायन्सेस या कंपनीच्या अहमदाबाद युनिटची USFDA ने २७ जुलै २०१७ ते ४ ऑगस्ट २०१७ या दरम्यान तपासणी केली. या तपासणी दरम्यान १८ त्रुटी आढळल्या. फॉर्म नंबर ४८३ इशू केला. या त्रुटी युनिट डॉक्युमेंट आणी इलेक्ट्रॉनिक रेकॉर्डशी संबंधीत आहेत.
  • इरॉस INTERNATIONAL ही कंपनी AAPLE बरोबर डिजिटल कंटेंट विकण्यासाठी करार करणार आहे.
  • ग्राफाईट इंडिया, ब्रिटानिया, व्हरलपूल, GNFC, लाल पाथ LAB, कॅपलीन पाईंट, नाटको फार्मा, अमर राजा BATTERY, सिटी युनियन बँक, टाटा स्टील, आशियाना हौसिंग, सेंच्युरी, फ्युचर रिटेल, बँक ऑफ इंडिया, मेघमणी ऑर्गनिक्स, मुंजाल शोवा, सोम डीस्टीलरिज, NMDC, भारत फोर्ज, पेज इंडस्ट्रीज, फिलीप कार्बन, MOIL यांचे तिमाही निकाल चांगले आले.
  • टाटा स्टील ८ जुलै २०११ नंतर ६ वर्षांनी Rs ६०० च्या वर गेला. टाटा स्टीलच्या फायद्यात Rs २०९ कोटीवरून Rs ९३३ कोटीपर्यंत वाढ झाली. मार्जीन १२.६ % वरून १६.१ % पर्यंत वाढले. युरोपमध्येही चांगली वाढ झाली.
  • स्टेट बँकेचा तिमाही निकाल असमाधानकारक आला. NPA वाढले.
  • MCX वर सोन्यामध्ये ऑप्शनला मंजुरी मिळाली.
  • ICEX वर सर्टिफाईड डायमंडमध्ये वायदा सुरु झाला. हा वायदा ३ लॉटचा, १ महिना मुदतीचा आणी १ कॅरेट, ५० सेंट्स आणी ३० सेंट्स च्या डायमंड्समध्ये सुरु झाला यात इलेक्ट्रॉनिक डिलिव्हरीची सुविधा असेल.
  • HCC या कंपनीला इंदिरा गांधी सेंटर फॉर ATOMIC रिसर्च कडून Rs ७६४ कोटीची ऑर्डर मिळाली. तसेच जम्मू काश्मीर सरकारकडून Rs ८१० कोटीची ऑर्डर मिळाली.
  • ITC आपला सनफिस्ट बिस्किटांचा पोर्टफोलीओ पूर्णपणे बदलून Rs ५००० कोटी पर्यंत वाढवणार आहे.
  • DR लाल पाथ LAB ही कंपनी ‘DLPLB बांगला देश’ चे अक्विझिशन करणार आहे.
  • बजाज ऑटोने UK तील ‘TRIUMPH मोटरसायकल’ या कंपनीबरोबर मिड सेगमेंट मोटरसायकल बनवण्यासाठी नॉनइक्विटी करार केला.
  • उगार शुगर या कंपनीला कर्नाटकात युनिट सुरु करायला पर्यावरणासंबंधीत परवानगी मिळाली.
  • उजास एनर्जीला झारखंड राज्यसरकारकडून ८.५ MW च्या दोन ऑर्डर मिळाल्या
  • भारती एअरटेलला भारती इन्फ्राटेल मधील ३.७% स्टेक विकून Rs २५७० कोटी मिळाले.
  • PVR आपले नॉनकोअर असेट विकणार आहे. ‘SMAASH’ या कंपनीला विकून Rs ८६ कोटी मिळतील.
  • QUESS कॉर्प आणी रामकृष्ण फोर्जीग या कम्पन्यांमधील FII लिमिट वाढवली.
  • ‘TARO’ या कंपनीचे निकाल असमाधानकारक आले याचा परिणाम सन फार्मावर होईल.
  • फोर्टिस हेल्थकेअर मधील आपला स्टेक विकला म्हणून ‘DAIICHHI’ने सिंग बंधूविरुद्ध सुप्रीम कोर्टात याचिका दाखल केली
  • अडानी एन्टरप्राईझेसने आपले तामिळनाडू पॉवर बोर्डाबरोबरचा पॉवर परचेस करार ऑगस्ट २०१९ पर्यंत वाढवला. पण बोर्डाने २५% कमी TARIF चार्ज मंजूर केला. त्यामुळे शेअर पडला. असाच करार JSPL ने केला.
  • ICICI प्रू या कंपनीने सेन्ट्रम कॅपिटलचे २१ लाख शेअर्स खरेदी केले
  • रबराच्या किमती, इम्पोर्ट ड्युटी, सणावाराचा सिझन, ANTI DUMPING ड्युटी यामुळे टायर कंपन्यांचा फायदा होईल. जशी अर्थव्यवस्था सुधारत जाईल तशी ऑटोची विक्री वाढत जाईल.
  • DR रेड्डीज या कंपनीच्या बच्चुपल्ली युनिटचे लायसन्स रिन्यू केले गेले नाही. जर्मन रेग्युलेटरने हरकत घेतल्यामुळे आता कंपनीची औषधे युरोपमध्ये निर्यात होऊ शकणार नाहीत.
  • CAGने PFC आणी REC या सार्वजनिक क्षेत्रातील सरकारी कंपन्यांनी कर्ज देताना योग्य तो ड्यू डीलीजन्स केला नाही असे निरीक्षण केले.

कॉर्पोरेट एक्शन

  • टालब्रॉस इंजिनीरिंग या कंपनीने बोनस शेअर्स इशू करण्यासंबंधात विचार करण्यासाठी १७ ऑगस्ट २०१७ ला बोर्ड ऑफ डायरेक्टर्सची बैठक ठेवली आहे.
  • प्रकाश इंडस्ट्रीज आपला स्टील आणी पाईप बिझिनेस वेगळे करणार आहेत.
  • ATLAS सायकल ही कंपनी आपल्या शेअरचे २ शेअर्समध्ये स्प्लिट करणार आहे.
  • भारत फोर्ज, MOIL, यांनी १:१ असा बोनस जाहीर केला.
  • BEL या कंपनीने १०:१ बोनस जाहीर केला म्हणजे तुमच्याजवळ १० शेअर्स असतील तर तुम्हाला १ बोनस शेअर जाहीर केला. BHEL ने २:१ असा बोनस जाहीर केला. म्हणजे तुमच्या जवळ २ शेअर्स असतील तर तुम्हाला १ बोनस शेअर मिळेल. PFC या कंपनीने काही कारणास्तव आपण बोनस देऊ शकत नाही असे जाहीर केले. मनपसंद बेव्हरेजीस या कंपनीने १:१ बोनस जाहीर केला.
  • गणेश बेन्झोप्लास्ट या कंपनीने आपले केमिकल आणी इन्फ्रा बिझिनेस वेगळे करण्यावर विचार करण्यासाठी १८ ऑगस्ट २०१७ रोजी बोर्ड ऑफ डायरेक्टर्सची बैठक बोलावली आहे.
  • कॅनरा बँक, देना बँक, सिंडीकेट बँक आणी विजया बँक यांच्या बाबतीत मर्जरचा कोठलाही प्लान नाही.

नजीकच्या काळात येणारे IPO

  • GIC (जनरल इन्शुरन्स कॉर्पोरेशन) या कंपनीला IPO साठी परवानगी मिळाली. OFSच्या माध्यमातून विक्री होईल. IPO मार्फत १.७२ कोटी शेअर्स विक्री होईल. हा IPO एकंदर Rs १२.४७ कोटींचा असेल.
  • न्यू इंडिया इन्शुअरन्स १२ कोटी शेअर्ससाठी IPO आणत आहे.
  • कोचीन शिपयार्डचा शेअर Rs ४४० ला लिस्ट झाला.
  • SIS या कंपनीचा शेअर Rs ८५५ या भावाला लिस्ट झाले.
  • सिंटेक्स प्लास्टिक या कंपनीचे शेअर्स Rs १३६.५० ला लिस्ट झाले.

तांत्रिक विश्लेषण

  • सोमवारपासून लोअर टॉप आणी लोअर बॉटम सुरु झाला. त्यामुळे ‘BUY ON DIPS’ ऐवजी ‘सेल ओंन राईझ’ धोरण ठेवायला लागेल.
  • बुधवारी निफ्टीच्या दैनिक चार्टमध्ये हेड अंड शोल्डर PATTERN फॉर्म झाला. निगेटिव्ह क्रॉसओव्हर झाला.
  • गुरुवारपासून निफ्टीने एक एक सपोर्ट लेव्हल तोडायला सुरुवात केली.
  • ओपन इंटरेस्ट कमी झाला आणी ऑप्शन प्रीमियम वाढला याचा अर्थ शॉर्ट कव्हरिंग आहे.

मार्केटने काय शिकवले

सिंटेक्सचे डीमर्जर झाले. ‘सिंटेक्स प्लास्टिक’ आणी ‘सिंटेक्स टेक्सटाइल’ असे दोन भाग झाले. सध्या मार्केटमध्ये आहे ते सिंटेक्स टेक्स्टाईल. सिंटेक्स प्लास्टिकचे मंगळवारी Rs १३६.५० ला लिस्टिंग झाले. अशावेळी नीलकमल, सुप्रीम इंडस्ट्रीज WIMPLAST अशा ज्या कंपन्या प्लास्टिकमध्ये व्यवसाय करतात त्या कंपन्यांकडे लक्ष द्यावे.

रुपया इतर करन्सीच्या तुलनेत मजबूत होणे हे चांगल्या अर्थव्यवस्थेचे लक्षण असले तरी त्याचा विपरीत परिणाम निर्यातीवर होतो. नॉन बासमती तांदुळाच्या निर्यातीमध्ये ३.३% घट झाली आहे. रुपया ६.६% मजबूत झाला आहे त्यामुळे भारतातील तांदूळ खरेदी करण्याऐवजी लोक थायलंड, इंडोनेशिया, बांगला देश,आफ्रिका येथून तांदूळ खरेदी करीत आहेत.

ग्लास अर्धा भरलेला म्हणत आनंद मानायचा की अर्धा रिकामा म्हणून दुखः करायचे हा प्रत्येकाचा दृष्टीकोन आहे. मार्केट खूप वाढले होते. शेअर्स खूप वाढले होते लोक करेक्शनची वाट पाहत होते. परंतु एवढे जोरदार करेक्शन येईल असे वाटले नव्हते. ज्यांनी चढ्या भावाला खरेदी केली आणी stop loss लावला नाही ते फसले, ज्यांनी शॉर्ट केले  त्यांनी दिवाळी साजरी केली आणी ज्यांनी करेक्शन आले तर स्वस्तात खरेदी करू म्हणून DEMAT आणी ट्रेडिंग अकौंट उघडले त्यांना शेअर्स स्वस्तात विकत घेण्याची संधी चालून आली. आपण स्थितप्रज्ञ राहून मार्केटचे निरीक्षण केले तर आपण चढत्या आणी पडत्या मार्केटमध्ये आपला फायदा कसा करून घ्यायचा हे अनुभवाने हळू हळू कळायला लागते. आणी मग ‘पाणी तेरा रंग कैसा जिसमे मिलावे वैसा’ प्रमाणे आपण आपला रंग अलग ठेवून मार्केटच्या रंगात रंगून जाऊ शकतो.

 

BSE निर्देशांक सेन्सेक्स ३१२२६ NSE चा निर्देशांक निफ्टी ९७१२ वर तर बँक निफ्टी २३९९१ वर बंद झाले.